飯戲攻心
飯戲攻心

飯戲攻心|黃子華拍心口:唔好睇就回水 林明禎謝票轉圈舞粉絲暈浪幾個鐘

Article

廣告

原本係今年年初賀歲片的《飯戲攻心》因為疫情關係冇辦法上畫,於是延長到今年中秋節再上映,昨日黃子華在自己的本部專頁更許下回水承諾:「只要你入場睇完話唔好睇,回水!」而有大馬女神之稱的林明禎更到場謝票,上載轉圈圈的舞姿搞到fans暈浪暈足幾個鐘!

飯戲攻心 林明禎BB又出現了
林明禎BB又出現了(圖片來源:[email protected]
飯戲攻心 林明禎露腰超強比例!
林明禎露腰超強比例!(圖片來源:[email protected]

林明禎轉圈圈fans「暈浪」兩個鐘

林明禎與導演陳詠燊現身旺角百老匯謝票,明禎穿上白色短袖衫配橙色修腳長裙,露出纖腰相當養眼,她在Instagram上載同一造型的短短7秒影片,見她活潑地在轉圈的樣子,十分可愛,結果網民睇完之後竟然「不知時日過」,「明明轉得幾秒鐘,但竟然睇足幾個鐘!」

在 Instagram 查看這則貼文

林明禎(@minchen333)分享的貼文

黃子華為演出未能謝票

而昨日62歲生日的子華神,由於正為舞台劇《最後禮物》演出未能跟隊隨優先場謝票,所以昨日(8日)他放出一條約兩分鐘的短片,大叫,「我啲兄弟姊妹去晒謝票,我都要做返少少嘢,我呢招就最犀利㗎!只要你入場睇完話唔好睇,回水!」不過他很快就返轉頭戴頭盔:「所謂『回水』呢,有好多法律嘅含意,回一蚊?回十蚊 ?同埋回H2O都係合法嘅回水。」之後他順勢拉張繼聰落水,指着新衫上的阿聰說:「如果到最後真係要回水,記得搵呢個鬍鬚佬!」

飯戲攻心 回水!不過係搵另一個鬍鬚佬...
回水!不過係搵另一個鬍鬚佬…(圖片來源:[email protected]子華本部)

黃子華有「女友」林明禎滋潤

在飯氣攻心中飾演子華女友的林明禎,早前則帶住一籃雪梨到演藝學院探班,除了幫子華潤潤喉,更順手用唔鹹唔淡廣東話向「大佬」示愛:「我知道你演舞台劇好辛苦,所以送你一籃梨潤喉,更希望你知道『我愛梨(你)』。」子華神聽完都呆一呆,回答「我都愛『梨』(你)!」明禎睇完子華演出,表示獲益良多:「首次在香港看舞台劇,而且還是子華哥的,剛剛我還以為自己會聽不明白,但中段開始已經可以跟上節奏,整個表現對我而言是非常的震撼。」

飯戲攻心 子華神獲女神送梨求愛,凡人又點有得葡萄呢?
子華神獲女神送梨求愛,凡人又點有得葡萄呢?(圖片來源:安樂影片)

《飯氣攻心》終在中秋上演

由黃子華(子華神)、鄧麗欣(Stephy)、張繼聰、王菀之(Ivana)、林明禎及陳湛文主演,期待已久的賀歲喜劇《飯戲攻心》原本係今年年初上架,但因為受第五波疫情影響,最終在中秋佳節上映。而子華神正忙於出演舞台劇《最後禮物》結果最後也無法陪同一眾「兄弟」謝票,不過在早前,一眾《飯戲攻心》演員齊齊捧場探班兼為子華神打氣,據聞即將會籌備舞台劇。

飯戲攻心 黃子華
全家齊撐子華神!(圖片來源:安樂影片官方提供)

《飯戲攻心》演員齊撐場 子華神獲頒「最佳大佬」

戲中「二佬」張繼聰帶同太太謝安琪、Stephy、王菀之到場欣賞舞台劇及到後台探班,子華神完成張力十足的舞台劇演出,返回後台與眾人相聚,汪明荃都有前來捧場並在後台偶遇眾人,場面十分熱鬧,大家更一同拍照留念。

《飯戲攻心》團隊就為大佬子華送上花籃、花束以及極具香港特色的小巴路線牌,寫着「最佳大佬」的名牌給子華留念。對於「家人」誠意到場支持,子華表示感激之餘更趁機大讚阿聰及Stephy,他說:「你們新歌MV《叉叉叉Love Song》非常之好。」更講到早前亦有留意到Ivana的宣傳歌 《狠愛狠愛你》MV,大讚出色。

飯戲攻心 黃子華
子華笑到見牙唔見眼(圖片來源:安樂影片官方提供)
飯戲攻心 黃子華
一家人又再齊齊整整啦(圖片來源:安樂影片官方提供)

《飯戲攻心》已經有舞台劇版?

《飯戲攻心》的劇情起承轉合充滿舞台感,被問到會否將這電影搬到舞台 ,子華率先爆料回應:「聽聞正在籌辦舞台劇中。」再講到會否原班人馬演出時,非常愛錫大佬的阿聰搶先表示:「我們要看大佬的意願,不過先讓大佬完成今次舞台劇後好好休息一下才決定吧。」眼尖的Stephy就觀察到子華消瘦了,在旁的Ivana即提醒子華: 「一定要多吃飯呀!」子華轉數十分快地笑說:「我真係日日都《飯戲攻心》㗎!」

飯戲攻心 黃子華
玩埋舞台劇,係咪又有排撲飛?(圖片來源:安樂影片官方提供)

常見問題

《飯戲攻心》要睇多幾次先會明?

導演陳詠燊表示電影暗藏至少10大隱喻,等待大家發掘,不少網民指「睇漏咗」,要入場睇多幾次先,一齊嚟睇下……詳見:導演大爆電影當中9大訊息

黃子華為未能出席謝票作出「重大承諾」?

黃子華因忙於進行舞台劇演出而一直未能參與《飯戲攻心》謝票活動,早前曾在自己的本部專頁拍片向各大觀眾作出「回水」保證⋯⋯詳見:黃子華拍心口各觀眾承諾

撰文:東方新地(部分內容轉載 New Monday)圖片來源:[email protected]、安樂影片、[email protected]子華本部資料或影片來源:[email protected]

最新吃喝玩樂資訊