日本勵志哥擁神級女友！狂放閃光彈後竟主動提出分手？｜網絡熱話
廣告
「勵志哥」係指一啲集矮、肥、醜、毒、窮等缺點於一身，但係身邊卻有好似女神下凡一樣嘅女朋友嘅男士，令唔少男生都羨慕、妒忌同恨。而日本就出現咗一位勵志哥，同前女友分手無耐，瞬間又認識到可愛嘅現任，經常喺網上晒恩愛，引嚟唔少網民嬲爆！
撰文：Evita｜圖片：Twitter
日本勵志哥擁神級女友
日本呢名勵志哥叫Paru Paru（ぱるぱる），係一名無業遊民，經常要靠女友接濟，連身穿嘅衫都由女方送。Paru Paru經常喺社交媒體晒恩愛，閃盲網友。佢常常以「陰沉內向」形容自己性格，而女友則係開朗又充滿陽光氣息。
不過今個月月頭，Paru Paru突然喺Twitter發文表示要同女友分手，原因係對方出軌。仲話因為太大打擊，所以忍唔住掟爛手機，並留下一句再見。
隔咗兩日，女友就喺Twitter表示自己並無出軌，更話Paru Paru只係將半年前女友同前任分手後，相約男性朋友去玩嘅事拎出嚟翻舊帳。
同日，Paru Paru喺Twitter宣布同女友復合，更話會好好珍惜對方，配上一張完整無缺嘅手機相，唔通係女友買嘅？
原來女友只係要求Paru Paru做多啲家務，並減肥20公斤，二人並隨即開始同居生活，真係180度轉變！復合之後，Paru Paru不斷放閃光彈，又將女友親手煮嘅咖喱飯相擺上Twitter，並寫道：「雖然我又沒工作，做甚麼都半途而廢，但我會成為出色的男人。」
後來Paru Paru再發文，表示自己係廢青一名，仲大讚廣大市民努力工作真係厲害，亦提醒大家覺得辛苦時都要休息下，真係非常「窩心」。
3日後即交女神級新女友？！
不日後，勵志哥又發文指已與女友分手，結束9個月的戀情。誰料3日後又宣布交了新女友，還是女神級的正妹，兩日更不時在網上放閃曬恩愛，讓一眾男生不禁大呻世界不公平！
撰文：Evita｜圖片：Twitter
