士多啤梨 果欄 甜王 熊本熊 水果
士多啤梨 果欄 甜王 熊本熊 水果

日本士多啤梨開季 油麻地果欄買$50買甜王、熊本熊+禮盒裝推介

飲食

廣告

士多啤梨Fans注意!果欄現已有不少日本士多啤梨款式,今年產量比上年好,價錢亦相對夠平,$100可以買到兩兜甜王、熊本熊或閃亮香,另有多款靚靚禮盒裝,即睇果欄店主推介!教埋你點揀士多啤梨!

撰文:Joan 圖片:Tony

果欄情報 日本士多啤梨

最近行經果欄,都見到有不同品種和顏色的士多啤梨列陣,港人愛吃日本士多啤梨,究竟今年有咩當造款式?記者請教了欄之選負責人,他們指今年士多啤梨比往年提早了開季,而且今年收成好,產量和款式多而穩定,所以價錢亦比往年便宜。今次為大家介紹12款士多啤梨,平的、大粒的、甜度高的、粉色白色樣樣齊!

最平!甜王+熊本熊+閃亮香

甜王、熊本熊、閃亮香這三款士多啤梨最受港人歡迎,因為產量穩定,價錢是眾多款最便宜,約$100就可買到兩兜!除返開一兜都係$50,好抵食!

平食之選

1. 福岡甜王甜味突出

甜王算是最多人認識的日本士多啤梨品種,產量較多,價錢經濟抵食。甜味突出,糖度達11-13度,食落微酸腍滑。

形狀有分別!分DX、G等級

甜王盒邊的等級通常會見到DX或G字樣,兩款的甜度其實差不多,最大的分別在於形狀!DX代表Deluxe,即士多啤梨賣相較華麗和靚,形狀上較一致,適合用來送禮;G是Giant,即每粒士多啤梨會大粒點,形狀較闊身扁平,每粒大小不一,望落無咁整齊,但口感會較豐富。

2. 熊本熊 肥美多汁

熊本熊的士多啤梨,粉紅色的紙盒、包裝上有熊本縣吉祥物熊本熊的樣子,士多啤梨味道就如部長一樣,比較肥美多汁(甜度稍遜於甜王),口感亦較豐富!

3. 閃亮香 清香水滴

閃亮香,士多啤梨如其名,表面有令身帶光澤,粒粒修長似水滴形,甜度不高,但味道帶清香,口感較爽身結實。如果想要便宜和外觀並重的,就非閃亮香莫屬!

少見+搶手之選!

除了紅色士多啤梨外,也有粉紅色、白色的士多啤梨,粉紅色的是淡雪;整粒白色的叫白珍珠,由於白珍珠要混種種植,較難栽種,每個農場每日最多只收割到50-60粒,產量極少,非常珍貴!

4.奈良古都華 紅色+白色兩色盒裝

奈良古都華是近年的新品種,士多啤梨較大粒,特別在一盒有紅、白兩色,香味突出,甜酸均勻適中,口感較結實。

5.奈良古都華 3色!紅+粉紅+白色

古都華也有細粒小小的選擇,一盒有紅、淡雪和白珍珠三色選擇,賣相好靚!

6. 淡雪 粉紅浪漫外形

粉紅色的淡雪也是稀有款式,淡雪同屬白士多啤梨品種,佐賀及奈良縣均有出產,淡雪味道如其名,較淡味,甜度較低,但粉色外觀充滿夢幻少女Feel,送禮收到都開心!

7. 白珍珠 罕見!全白士多啤梨

產量極少的白珍珠士多啤梨,全白賣相需要混種種植,非常罕見!白珍珠Size較大粒,香味和甜味突出,入口帶點石榴香味,非常特別!果欄來貨每次都只得10-20盒,見到要搶!

送禮之選!一系列禮盒裝

8.美濃娘酸味突出

產自歧阜,一盒12粒,大粒整齊,色澤淺紅色,賣相好靚!這款士多啤梨酸味較突出,甜度低,口感爽脆。

9. 達摩 香甜之選

達摩的甜度達15度,味道香甜濃郁,酸味極少,愛吃香甜士多啤梨的朋友必試!而且盒面有心形開口設計,賣相整齊吸引!

10.佐賀ichigosan

佐賀ichigosan外形大粒漂亮,葉子大塊(代表養份極高),顏色紅潤。甜度達13-15度,帶獨特果香,酸甜均勻,肉質飽滿。

11.眉山24粒禮盒

以禮盒裝來說,這款的士多啤梨數量最多,總共24粒。粒粒飽滿呈水滴形,入口軟腍,偏甜帶少酸。

12. 長崎禮盒 大大粒4L

眾多款內Size最大的士多啤梨,一般分M、L等,這款Size達4L,可見其Size巨型!每粒士多啤梨獨立包裝,味道甜酸均勻,質感結實。

點揀最新鮮士多啤梨?

聖誕大餐選好想吃的士多啤梨款式後,購買時也要稍作檢查,如何才算最新鮮的士多啤梨?首先要看其光澤,愈光鮮的士多啤梨代表愈新鮮,不可有發黃、發黑的狀況!

第二可留意士多啤梨上的葉子,葉子要呈鮮綠色、並且向上翹起,則代表最新鮮。但如果葉子變深、甚至變黃,就代表鮮度減退,甜度或品質都會下降。

如何存放+清洗士多啤梨?

士多啤梨買完後要儘快食用,最好在2-3天就要食!正常放在室溫儲存即可,如果要放雪櫃,就建議用保鮮紙或報紙包著,密封表面,防止有水氣進入士多啤梨內,影響新鮮度!食前才用開水清洗,不過記得洗前不要拔掉葉子,以免有農藥殘留物或污染物隨水沖入士多啤梨內部!

其他當造水果

欄之選 Market Choice

地址:油麻地果欄石龍街1號(顯示地圖
電話:909 55479(可Whatsapp)
營業時間:10am-12mn(公眾假期照常營業)
備註:
1)以上價錢只供參考,每天按來貨再作調整。
2)店舖另設送貨服務。延伸閱讀:

J.S. FOODIES登陸香港!美式班戟口味 兼賣Flipper’s梳乎厘班戟|又一城

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..