日本搭電車失禮行為！車廂內做呢件事日本人黑面 網民：影衰晒！好唔尊重！｜網絡熱話
廣告
港女KOL亂咁影搞到日本人黑晒面！香港人最討厭強國遊客喺香港搞亂檔，做埋晒啲唔文明嘅行為，不過香港人去外地旅行時，會唔會都做咗啲好令人厭惡嘅嘢而自己唔知呢？港女KOL阿貝@貝遊日本就成日去日本，理應比一般香港人更了解當地文化，點知一次地鐵片就惹來不少批評⋯⋯
原文刊於：環球膠報｜圖片：Youtube@貝遊日本截圖、Facebook@貝遊日本截圖、新傳媒編輯部｜編輯：少冰少甜@Central
港女KOL日本車廂公然拍片被黑面！
阿貝去得日本留學，理應對日本文化有番咁上下認識。港女阿貝於片段中直擊日本電車車廂喺早上繁忙時間擠迫嘅「盛況」，不過就犯咗日本人唔鍾意畀人影嘅禁忌，亦無視咗日本有「肖像權」呢樣嘢，兜口兜面影其他乘客，搞到人哋黑晒面！
阿貝原意係想分享一下日本電車喺繁忙時間係有幾迫幾恐怖，不過呢樣日本特色好似人人都知，又未必要特登拍片分享畀其他人睇。因為港女阿貝本身住的寄宿家庭距離日語學校，大概需要一個鐘車程，於是就為大家直擊當地坐車情況⋯⋯
她在短片中表現無奈，覺得人貼人好難受！不過佢又記唔記得，其實朝朝香港港鐵都係咁迫，迫到上唔到車都好正常，每朝人貼人都好難受。
由於佢要轉幾次車，在轉車期間，佢係咁講：「好恐怖呀！好恐怖呀！好恐怖呀！好恐怖呀！好恐怖呀！又話第一程車的經過真係好辛苦好辛苦⋯⋯
其實阿貝應該知道在日本不能直接影對方樣子，必須先問過對方方可拍攝，既然懂得為他人打格，點解唔直接當下就放低攝影機呢？
之後她在影片中表示，剛才在列車中被3個男人圍住，話自己衰在無經驗，言語間似乎有難言之隱。實際她遇到甚麼事她之後沒有詳細講，到底佢真係遇到「痴漢」定係諗多咗？
日本有肖像權，唔可以亂咁影人哋個樣，否則就係犯法，拉得，入鄉隨俗，將心比己，真係唔係人人想畀你影到。
日本網民親身留言 上班時間切勿亂影
有熱心日本網民就用中文留言（非常有誠意），話喺返工時間電車上亂影其實會影響其他人，車廂已經咁迫，有機會令人以為係癡漢！
香港網民就大大力鬧阿貝唔識入鄉隨俗，亂咁影！
原文刊於：環球膠報｜圖片：Youtube@貝遊日本截圖、Facebook@貝遊日本截圖、新傳媒編輯部｜編輯：少冰少甜@Central
