星巴克冬日節慶系列登場 全新棉花糖麻糬飲品 必試冠軍甜點
踏入冬天，天氣開始轉涼，星巴克今個冬日為大家帶嚟連串驚喜，全新節日限定飲品、暖心美食同埋精緻商品強勢登場！由全新嘅「棉花糖麻糬系列」，到港澳限定嘅「提拉米蘇醇香系列」，款款都充滿節慶特色。
全新棉花糖麻糬系列 驚喜煙韌口感
鍾意新鮮感嘅朋友，一定要試吓全新嘅「棉花糖麻糬系列」。星巴克將棉花糖嘅甜香同麻糬嘅煙韌完美結合，配搭綿滑燕麥奶，口感層次超豐富。無論係以特濃咖啡為基調嘅棉花糖麻糬燕麥奶咖啡，定係風味柔和嘅棉花糖麻糬燕麥奶醇香抹茶，面層都鋪滿絲滑棉花糖奶蓋、迷你棉花糖同可可粉，飲到杯底仲有軟糯麻糬！
港澳限定提拉米蘇風味 經典人氣特飲回歸
咖啡控絕對唔可以錯過港澳限定嘅「提拉米蘇醇香系列」。提拉米蘇醇香鮮奶咖啡同特濃咖啡星冰樂覆上幼滑嘅提拉米蘇奶蓋，再加埋可可粉同手指餅做點綴，完美還原意大利經典甜品嘅香濃風味。除此之外，每年冬天大家都好期待嘅拖肥果仁脆趣鮮奶咖啡，以及聖誕薄荷朱古力咖啡亦都載譽回歸！想飲得清爽啲，仲可以揀拖肥果仁脆趣冷萃或氮氣冷萃咖啡。
冠軍級人氣甜點 歎盡多款暖心美食
飲咖啡當然要配美食先夠滿足。今次星巴克特別聯同職業訓練局（VTC）機構成員舉辦比賽嘅冠軍得主李小煥（Joyce），推出期間限定嘅柑橘堅果撻「琥珀蝶影」。呢款得獎甜點以馬斯卡彭芝士忌廉、清新柑橘同焦糖堅果層層交織，頂部仲有精緻朱古力蝴蝶點綴，由即日起至十一月三十日喺指定香港及澳門分店限時供應。另外仲有多款鹹甜點登場，例如暖烘烘嘅芝士香草德式貝果、只限香港供應嘅蔓越莓火雞黑糖法包三文治，以及紅絲絨碎朱古力鬆餅等，用嚟做早餐或者下午茶就最爽。
夢幻冬日商品 歎咖啡同時做善事
食飽飲醉，緊係要睇吓靚靚商品。「雪人奇趣冬日」同「森活節奏」商品系列已經上架，為日常咖啡時光增添氣氛。由十一月十日起，買任何大杯裝或以上嘅棉花糖麻糬系列飲品，仲可以加錢換購超可愛嘅棉花糖吊飾。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
