11月免費好去處！免費睇大師級光影藝術＋掃聖誕禮物＋香水紋身體驗

沉浸式光影森林打卡！全新大師級燈飾展區登場

想近距離欣賞國際設計師燈飾作品今次就有機會！全新「House of Lumière」 展區首次喺香港亮相，由香港燈光設計大師關永權同著名室內設計師鄒卓明聯手策展，展出逾80件來自香港、中國、法國、意大利、西班牙等地的設計師燈飾，包括梁志天（Steve Leung）、André Fu的設計創作，以及DCW éditions、Davide Groppi、Vibia等品牌作品。大家可以欣賞唔同燈飾嘅造型同工藝，睇吓燈光點樣配合室內設計去帶出唔同嘅空間氣氛。

會呼吸嘅燈具！瑞士設計團隊打造沉浸式光影森林

同場另一個打卡焦點就係由瑞士知名設計工作室atelier oï 策劃，並喺Tribe22 支持下呈獻嘅沉浸式體驗裝置「Breathing in Motion」。atelier oï 曾為 BVLGARI 同 Louis Vuitton等國際品牌創作。 核心作品Oïphorique燈具採用褶皺布料設計，會以緩慢自然嘅節奏律動，睇落好似呼吸一樣。配合埋弧形鏡面牆，透過層層倒影延伸視覺空間，帶出一片光影森林。鍾意打卡嘅朋友可以喺唔同角度欣賞燈光同鏡面交織嘅效果。

走入瑞士阿爾卑斯山木屋靈感展區！感受兩地創意交流

想一探瑞士設計嘅創意世界？由藝術家鄭智禮策展嘅「Cabinets of Wonders」就啱晒你啦！展區設計靈感來自瑞士阿爾卑斯山木屋，透過空間設計帶出木屋嘅溫暖同親切感。

入面匯聚香港同瑞士兩地唔同領域嘅設計師、藝術家同品牌，包括傳奇製錶品牌 Parmigiani Fleurier、屢獲國際殊榮嘅瑞士平面設計師 Dafi Kühne、多次與 Hermès 等品牌合作嘅家具設計師 Adrien Rovero、經典瑞士家具品牌 Vitra 及 BIG-GAME、香港設計師及藝術家劉小康、香港知名音樂監製 Edward Chan，以及動態裝置藝術家 Joseph Chan 等，展出包括陶瓷、家具、金屬工藝及互動藝術等作品，畀大家一邊欣賞展覽，一邊感受兩地設計文化碰撞出嘅創意火花。

一站式入手全球好物！提早準備聖誕禮物

11月尾又到準備聖誕交換禮物嘅時候啦！大家不妨去 「 DesignInspire Boutique 」 行個圈，發掘來自世界各地藝術家嘅精選藝術作品及設計精品。設立喺展區內嘅「 The White Avenue 」仲會展示意大利及國際知名家具品牌以及新晉生活風格品牌，包括著名品牌 Lehni、MEMPHIS、LEEVIDA等。想搵份有心思嘅聖誕禮物，或者為屋企增添設計感同佈置靈感，呢度絕對值得你慢慢行、慢慢發掘！

香水紋身＋Monotype字體創作！親身體驗設計樂趣

今次行DesignInspire，仲可以親自參與創意活動！除咗欣賞各個展區嘅作品，大會亦安排咗一系列特色體驗，當中包括香水紋身，想試吓新鮮嘢嘅朋友可以留意大會公布嘅活動詳情。

對字體設計有興趣嘅話，就可以試吓Monotype帶來嘅字體創作活動。Monotype今次擔任DesignInspire創意字體設計夥伴，參觀人士可以運用佢哋精選嘅字體，自由拼組同創作專屬作品。平時日日都會接觸唔同字體，今次有機會自己試吓點樣組合出唔同效果，幾有趣！

今次 DesignInspire2026 都有唔少值得慢慢發掘嘅地方！想搵個免費好去處拍拖或者約朋友出街，記得mark低以下日子，去灣仔會展行吓啦！

DesignInspire2026 創意設計博覽
公眾開放日期：2026年11月19至21日
地點：香港會議展覽中心展覽廳3DE
費用：免費入場
活動詳情：https://designinspire.hktdc.com/tc/
登記參觀︰https://bit.ly/3VlqD7M

活動由文創產業發展處（文創處）作為主要贊助。

（資料由客戶提供）