星級教練好威水！陳庭欣殺入匹克球決賽謀脫單 關楚耀冀代表香港戰大灣區

關楚耀男雙旗開得勝

關楚耀與 Pick & Match 創辦人及行政總裁葉浩文博士（Kirk）拍檔出戰公開男雙小組賽，二人落場時神情專注，截擊與網前切球快狠準，順利過關斬將殺入決賽！Kelvin受訪時難掩興奮與雄心，直言全力以赴就是為了爭取出線：「我哋好希望可以代表到香港出戰大灣區，挑戰其他城市嘅高手。」原來Kelvin早已考獲專業教練資格，連Toby都爆料指他的球技早已超越「Level 2」水平，同日Kelvin 親自指導的愛徒亦成功晉級，可謂名師出高徒！

關楚耀積極造人狂賺奶粉錢

Kelvin分享備戰心得時笑言：「平時大家以為打匹克球只係輕鬆社交，但今次係國家級 CPC-600 定級賽，每球都計入全國積分排名，強度同專注度完全唔同！以前打呢類賽事一定要特登返內地，今次喺香港『主場』開打，同拍檔練波嗰陣大家都份外肉緊。」近期行程滿檔的 Kelvin 當日單日連踩三場，早上出席慈善賽，下午打海選，賽後隨即趕赴澳門做音樂演出。被主持笑問是否忙於為家庭積極「搵奶粉錢」、何時迎來小生命時，Kelvin 大笑回應：「要積極啊！積極！積極！唔好話咩奶粉錢先，但點都要努力搵嘅！」

陳庭欣打波上癮 撞過「劉黎戀」

出戰公開混雙小組賽的陳庭欣同樣表現搶眼，動作矯健靈活，與男拍檔配合默契，頻頻打出精彩對拉！Toby大讚匹克球非常適合各階層人士，更可鍛鍊敏捷身手：「呢項運動最吸引嘅地方係零門檻但又極具爆發力，打混雙好考拍檔之間嘅信任同補位節奏，真係打一個鐘波、社交兩個鐘！」身旁的Kelvin趁機調侃圈中不少人因打波擦出愛火：「真係好多人打波打到變拍拖㗎，而家就差你一個咋嘛！」提及劉愷威和黎紀君打波打出「戀情」，陳庭欣笑言：「有恭喜佢啊，我哋同一個場撞到，之前見到佢哋，知知哋嘅，但唔會講。都戥佢哋開心。」

警告媒人Bob勿收手！

單身的Toby澄清自己並非眼角高，更爆料指「金牌媒人」林盛斌（阿 Bob）早前誤信緋聞以為她封盤：「之前有報道亂寫我有緋聞男友，阿 Bob 仲以為係真，專登打嚟問我『係咪要收手？』我即刻叫佢『千祈唔好收手呀！』 嚟緊我同佢一齊擔任 TVB Sales Presentation 司儀，到時一定要喺台上眾目睽睽之下當面質問佢，睇佢點樣再落力啲幫我牽線！」提到早前何沛珈因恐水在節目痛哭，精通游泳與滑水的 Toby 表示理解，更自爆自己性格極度獨立，早前在家中牆角赫見巨型蜘蛛，愛犬完全置身事外，最終唯有靠自己親手拿外賣膠碗把蜘蛛罩住化解危機。被主持笑指太獨立「連男人都唔使搵」，Toby 打趣道：「有啲男人都好驚曱甴㗎！不過如果搵對象，一定要搵個好似 Kelvin 呢款一百分嘅老公先得！」

網民驚嘆藝人展現專業運動精神

陳庭欣和關楚耀等出線選手將於稍後時間會師港隊主場——屯門市廣場戶外平台展開巔峰對決！對於兩位藝人在國家級定級賽中展現出超越業餘水平的球技，引起大批網民熱烈討論。有網民在社交平台留言表示「估唔到佢哋打波咁專業，完全唔係玩玩吓」，亦有留言稱讚「國家級定級賽真係唔講得笑，見到佢哋打到身水身汗好佩服」。不少網民對於匹克球由業餘社交活動邁向專業化感到驚喜，留言指出「睇完佢哋打波都想試吓玩，似乎真係好啱識新朋友」。