BIGBANG演唱會即將開騷！免費活動專區 必玩主題自拍亭及換領專屬應援小物
廣告
萬眾期待嘅 BIGBANG 世界巡迴演唱會 XX: COSMOS 香港站即將舉行，相信全港 V.I.P 都已經準備好入場尖叫兼搶購周邊商品！想演唱會體驗更加圓滿，記得提早入場，事關今次演唱會特別喺啟德體育園設置免費活動專區，為大家帶嚟巨型打卡位、主題自拍亭同專屬應援小物！即刻睇下專區有咩必玩亮點！
巨型標誌打卡位 率先投入BIGBANG宇宙
演唱會氣氛當然要由入場前開始醞釀！只要持有「BIGBANG 2026-2027 WORLD TOUR XX : COSMOS IN HONG KONG」演唱會當日門票，過完安檢後就可以去到啟德體育園中央廣場嘅免費活動專區。首先必影嘅一定係巨型「XX : COSMOS」標誌，企喺標誌前打卡留念！
必玩主題自拍亭 留影專屬人生四格
打完卡之後，千祈唔好錯過專區入面嘅 BIGBANG 演唱會主題自拍亭。只要即場免費註冊成為 FWD MAX 會員，就可以免費體驗自拍亭，即時拍攝同打印屬於你同 BIGBANG 嘅人生四格相！提提你，主題自拍亭可能需要排隊參與，大家記得耐心等候同埋預留充足時間入場，名額有限，先到先得滿額即止。
換領專屬應援小物 全力為偶像喝采
睇演唱會又點少得應援道具？FWD MAX 會員喺活動專區仲可以換領專屬應援小物，款式包括 XX : COSMOS 紙扇或者紋身貼紙（款式視乎現場供應情況而派發）。想確保去到現場一定換到？粉絲可以由即日起，預先上網免費登記成為 FWD MAX 會員，並到活動網頁兌換電子換領券。所有活動名額及禮品數量有限，先到先得，送完即止！
圖片來源：官方圖片
