女神配對計劃 2｜李爾晨自揭與陳星妤大學「曖昧」關係！女方O嘴反擊一句超爆笑

李爾晨驚爆舊情 Yvette當場O嘴

在本周日（25日）播出的節目中，12位求愛勇者為爭奪與女神的15分鐘獨處時間鬥個你死我活。輪到女神陳星妤（Yvette）時，李爾晨（Kyle）與伍頌曦（Preston）同時現身爭奪。Kyle語出驚人，竟當眾自揭與Yvette的淵源：「我同陳星妤大學就識，有段時間我哋行得好埋，又好似有、又好似冇咁，嗰種感覺係咪叫友達以上、戀人未滿。」此話一出即時引爆全場，難怪二人之前經常相約做gym，拍攝的運動短片亦充滿默契。面對突如其來的「表白」，Yvette完全反應不過來，劈頭第一句便錯愕地問：「你做乜鬼，我好唔慣？」

陳星妤搞笑反擊：阻住我識男仔！

事後Yvette接受製作組訪問時，似乎已消化了Kyle的舉動，更展現出幽默一面。她笑言Kyle可能只是出於好意：「佢可能驚我冇人揀，企咗出嚟，我心諗你做乜鬼嘢啫，叉隻腳落嚟阻住我識男仔！」一番話盡顯搞笑本色。對於Kyle的突然舉動，Yvette似乎不太受落，更反問對方：「你唔係揀到冇人先揀我嘛？」至於另一位求愛勇者伍頌曦（Preston）則坦白表示，純粹是想給自己一個機會認識其他女神，目標相當明確。

陳星妤擇偶標準曝光 暗示心儀對象撞樣前度

雖然節目賣關子，未有即時公布Yvette最終選擇了Kyle還是Preston，但就率先公開了她的擇偶貼士，而原因更是花生指數極高！Yvette透露她的選擇標準，當中暗藏兩個重要線索：「年紀上有大過我少少，我都鍾意男仔照顧到女仔，又唔會爭太遠。」她續說出最關鍵的一點：「當然佢個樣都 ok，有少少似我廿歲出頭嗰時鍾意嘅一個男仔，令我有啲熟悉嘅感覺。」究竟這位令Yvette有「熟悉感覺」的幸運兒是誰，就要留意節目播出了。

網民熱議Kyle深情告白：大學識到而家都唔追？

節目預告一出，旋即引起網民熱烈討論，不少人對Kyle和Yvette的「友達以上」關係大感興趣，並對Kyle的舉動有不同看法。有網民認為Kyle非常深情：「大學識到而家，終於肯行出一步，好感動！」、「睇得出佢真係好緊張Yvette。」但亦有網民質疑其動機：「咁多年都唔追，係要上到節目先講？有啲劇本feel喎。」、「阻住人識男仔真係好好笑，Yvette反應好真實！」更有網民化身偵探，猜測Yvette的最終選擇：「個前度樣到底係邊個？好想知呀！」