香港JW萬豪酒店The Lounge綠色自助晚餐 食客變身評判投選心水低碳菜式

創新大眾評審機制 食客兼任評判

今次比賽賽制由香港電視界「綜藝之父」兼餐飲界奇才蔡和平匠心設計，打破傳統比賽框架。由 2026 年 11 月 2 日至 21 日期間，入圍決賽嘅優秀菜式會分階段喺 The Lounge 嘅自助晚餐登場。食客只要掃描專屬二維碼，就可以親自為最鍾意嘅佳餚投票。大眾嘅評分會同專業意見互相結合，再由業界評審團覆核，最終賽果會喺 12 月 17 日嘅頒獎禮揭曉。

九道決賽佳餚 展現低碳創意

呢九道入圍佳餚絕對唔簡單，全部由酒店行政總廚黃致銓帶領嘅廚藝團隊，根據參賽者提供嘅食譜精心炮製出嚟。三個組別各有特色，青年廚師組選用雞或鴨入饌，帶嚟紅酒菌香鴨靈頓、綠惜禽香三味碟同埋鳳髀藏糯 ‧ 錦卷呈祥；專業廚師組就以魚或蝦做主角，演繹老壇酸菜敲敲蝦、川香玲瓏鮮蝦脆福袋及暮煙銀鱈 · 流金海蝦；而業餘煮食組則用牛或豬創作出琥珀琉璃肉、金色御天堂同藏 · 韻。每一款都集滋味、創意同可持續元素於一身。

盡享招牌豐盛美饌 飽覽迷人夜景

除咗品嚐別出心裁嘅比賽菜式，嚟到 The Lounge 當然唔少得盡情享用佢哋嘅豐盛美饌。自助晚餐無限量供應冰鎮海鮮、新鮮刺身、鐵板燒美食同頂級切肉，仲有一系列亞洲特色美饌，例如招牌即煮雲吞麵、燜鮑魚同北京烤鴨等。一路歎住頂級美食，一路欣賞璀璨嘅城市夜景。

香港 JW 萬豪酒店 The Lounge 自助晚餐

• 地址：香港金鐘道 88 號太古廣場
• 公眾評選日期：2026 年 11 月 2 日至 21 日
• 供應時間：星期一至六晚上 7 時至 10 時
• 收費： 星期一至四｜成人每位港幣 598 元；小童（3至12歲）每位港幣 418 元
  星期五及六｜成人每位港幣 638 元；小童（3至12歲）每位港幣 448 元
  （價目另設加一服務費，可於 JW 網上商店預訂）
• 查詢電話：2810 8366