「再睡5分鐘」X《哈利波特》系列 4款霍格華茲特飲/魔法變色杯/怪獸書袋

Oct 21 2026

哈利波特迷係時候出動喇！人氣店「再睡 5 分鐘」將於 10月27日推出《哈利波特》跨界聯乘「霍格華茲課程系列」！今次以四大經典課程為靈感，打造出4款夢幻特飲。只需$59組合價，就可以一口氣入手特飲連限定變色隨行杯！4款主題特飲包括以飛行課為靈感嘅「焦糖布丁歐蕾🍮」、藥草學「桂花仙草歐蕾🌿」、魔咒學「葡萄藍柑沙沙🍇」以及奇獸學「蘋果莓莓沙沙🍎」。

只要購買任一主題飲品，仲可以不限組數加購多款質感爆燈嘅限定周邊（$69 起），推介手感極佳嘅毛茸茸「怪獸書 14 吋筆電包」同埋神還原嘅「光輪 2000 兩用抱枕毯」！活動於 2026 年 10 月 27 日在全港再睡 5 分鐘門市正式開賣，各位巫師同麻瓜們記得準時去掃貨全套收藏喇！