女神配對計劃 2｜神婆Amber睇手相爆驚人發現！阿朗一句話直球示愛

Amber主動睇手相 阿朗獲讚「無欲無求」勁好夾

在節目中，同為愛狗之人、並自覺小時候缺乏家庭溫暖的Amber與阿朗，性格雖然一凹一凸，卻意外地產生化學作用。Amber認為這種互補性格反而更適合自己：「我講嘢好急，佢講嘢好平淡、好慢，好似冇乜情緒咁。雖然我知道有啲人會覺得好悶，但我唔知呀，我係鍾意啲好悶嘅人。」她坦言自己需要一個能在她情緒失控時穩定自己的人。在約會期間，對阿朗愈來愈有好感的「神婆」Amber更主動要求為對方睇手相，希望從中找到更多線索。

Amber讚阿朗手指公長係潛力股 阿朗乘機直球表白

Amber甫看阿朗手相便給予高度正評，指他「手紋好少，無欲無求，個人好簡單，冇乜嘢諗」，認為與他一起會減少嗌交，生活得更開心。接著她更發現驚人優點，大讚阿朗手指公很長：「你都幾堅持架喎，我鍾意呢啲咁堅持嘅人，因為你手指公好長，見過好多創業成功、搵到好多錢嘅人，手指公都係好長，佢決定咗一樣嘢，唔會輕易放棄。」沒想到話音剛落，一直沉默的阿朗竟把握機會，乘勢拋出直球示愛：「所以我對你冇放棄」，一句話成功令Amber當場害羞甜笑，二人之間擦出平淡又溫馨的火花。

網民熱議互補性格：「呢啲平淡先最溫馨」

這段「睇手相撻著」的互動引發網民熱烈討論，不少人看好這對性格互補的組合。有網民留言指：「Amber平時咁癲，原來鍾意悶嘅男仔，好反差萌！」、「阿朗平時唔出聲，一開口就示愛，太屈機！」、「睇手相都可以睇到撻著，神婆真係有料到！」大部分觀眾都認為這種平淡的相處模式反而更見真摯：「呢啲平平淡淡嘅互動先最溫馨，好睇好過啲好嘈嘅。」、「支持呢對！性格互補先可以行得遠！」