死有對証｜吳若希遇斬人嚇到唔識郁！事後搞笑拋金句教網民「閃避求」

吳若希目擊斬人嚇呆 阮浩棕崩潰尋人

昨晚劇情尾聲，吳若希目擊兇徒在隧道內揮刀亂斬，嚇得她「大腦一片空白」，當場呆立不懂反應。另一邊廂，阮浩棕趕至現場時不見女友蹤影，眼見遍地傷者，一度以為愛人已命喪刀下，情緒崩潰。幸好幾經搜尋，他最終在一個垃圾桶後發現嚇得瑟縮一團的吳若希，兩人經歷生死關頭後激動相擁，吳若希更爆喊表示：「好驚呀，好驚以後見你唔到呀！」然而，阮浩棕在安撫女友時，腦海卻閃過亡父的死亡畫面，臉上竟流露出詫異神情，為劇情留下巨大懸念。

吳若希親授保命三字訣：最緊要學識閃避求

對於這場驚險的「隨機斬人」戲，吳若希受訪時坦言印象極為深刻，因為劇組動用了大量特約演員，令場面非常逼真。她更搞笑地引用警方指引，教大家遇上危險時的自保方法：「如果遇到呢啲場面，千祈唔好好似單佩嘉咁企定定發吽哣，最緊要學識『閃避求』，見到就要『閃』開，畀人追就要『避』開，跟住就『求』救，哈哈！」她提醒大家緊記「閃、避、求」三字訣，隨時能救自己一命。

阮浩棕剖白內心掙扎 愛情新聞二選一

阮浩棕則表示，這場戲對他與吳若希的角色關係至關重要，因為共同經歷生死，令雙方更確定對彼此的感情。他更透露演繹時的一段內心掙扎，指角色作為記者，在災難現場其實面臨愛情與新聞的抉擇：「因為遇到咁大嘅災難，對於作為記者嘅詹柏宇係一個人生交叉點，要喺新聞同愛情上剎那間作出抉擇。因為詹柏宇跑去搵單佩嘉時，係拎住手機不停打電話，有一刻猶豫影相定搵單佩嘉緊要啲，嗰一刻佢係選擇咗單佩嘉，證明咗詹柏宇係好愛對方。」

網民大讚劇情夠真：閃避求好實用

這段緊張刺激的劇情播出後，網民反應極為熱烈，大讚場面逼真，同時亦欣賞劇集帶來實用資訊。網民紛紛留言：「呢幕真係睇到個心離一離！吳若希嚇到個樣好真！」、「『閃避求』學到嘢！估唔到睇劇都有實用知識！」、「阮浩棕個角色掙扎得好好，揀愛情唔揀獨家新聞，真男人！」、「最後阮浩棕個樣咩事？又有新謎團，好想快啲睇下集！」

（圖片來源：TVB）