橫琴長隆飛船樂園升級 全球首個智能主題樂園+機械人帶你穿越未來

橫琴長隆飛船樂園大升級！全球首個具身智能主題樂園 近千台機械人帶你穿越未來

震撼視覺體驗！機械人空中飛人與絕美珊瑚歌姬

踏入樂園，你會發現機械人已經完美融入整個遊園環境，分佈喺演藝表演、AI科普課堂、智能導覽、研學教育、智能伴遊以及酒店接待六大板塊。當中最令人起雞皮疙瘩嘅一定係開園秀，數十台機械人同真人演員同台演出，機械人唔單止會載歌載舞，仲會化身「空中飛人」，懸浮喺半空完成一整套舞蹈肢體動作，打破過往只能夠喺地面表演嘅限制。另外，水之光劇場嘅創新機械人舞台劇，將水舞、聲光電同人形機械人完美結合，視覺畫面極具未來感，絕對係打卡放上社交平台呃Like嘅好素材。

園區內仲有「珊瑚歌姬」、「宇宙歌姬」等三台頂尖仿生人形機械人迎來全球首秀，外貌逼真而且唱歌跳舞靈動無比，絕對係全場焦點。

寓學習於娛樂！AI海洋科普導師與冠軍機械人嘉年華

過往去主題樂園多數只係追求刺激同觀賞，但呢度就將娛樂、藝術表演同科普教育完美結合。樂園將死板嘅語音導覽升級，機械人化身為海洋生物科普導師，可以同小朋友實時互動問答，將艱澀嘅AI同海洋知識變成生動淺白嘅研學課堂。現場仲有智能伴遊同服務機械人穿梭園區，主動幫手引路同配送物資，家長終於可以解放雙手。科技迷更加唔可以錯過「冠軍機械人嘉年華」，世界各地人形機械人運動會嘅各大冠軍齊聚一堂，展示跑跳、球類對戰等高難度動作，近距離感受最硬核嘅人工智能科普課。

週末兩日遊實用攻略：無縫體驗未來科技生活

想趁週末安排個兩日一夜Trip，由香港出發其實非常方便。大家可以坐跨境巴士或者金巴直達珠海，再轉乘的士就可以無縫直達橫琴長隆。住宿方面，強烈推介入住長隆飛船酒店，由辦理入住手續到房間物資配送，全程都有機械人為你服務，真正體驗未來科技生活。玩到肚餓，可以去酒店嘅水手主題自助餐廳食大餐，同樣會有機械人為你送上美食。想玩得更抵，記得去長隆官網預訂酒店套票，包埋樂園門票同自助晚餐，性價比比單買門票高好多。即刻上長隆官網（https://www.chimelongresort.com/hk/zh-hk）預訂，帶埋一家大細去橫琴長隆飛船樂園解鎖未來世界啦！