太興集團國慶優惠｜15大品牌 全日堂食7折！敏華冰廳／茶木／靠得住都有份
廣告
太興集團國慶優惠2026｜10月1日國慶想出街食飯可以留意！太興飲食集團宣布，旗下15大餐飲品牌將於2026年10月1日推出全日堂食7折優惠，參與品牌由港式燒味、冰室、粥麵，到台灣菜、越南菜、泰國菜、韓國菜、日式拉麵都有，包括太興、敏華冰廳、茶木、亞參雞飯、靠得住、錦麗等，一日限定，約朋友、屋企人食飯前記得睇清楚優惠詳情及條款！
太興集團10月1日全日堂食7折 15大品牌都有份
太興飲食集團為慶祝十一國慶，於10月1日一日限定推出「全日堂食7折」優惠，涵蓋旗下15個餐飲品牌，選擇相當多，由港式茶記、燒味、粥品，到星馬、越南、泰國、韓國及日本料理都有。
| 品牌 | 餐飲特色／招牌推介 |
|---|---|
| 太興 | 港式燒味餐廳，招牌有冰鎮奶茶、五星級燒肉、菠蘿咕嚕肉、天皇級燒鵝 |
| 敏華冰廳 | 黯然銷魂飯、沙茶牛肉麵、荷蘭煉奶花生醬西多士 |
| 茶木 | 台式料理，紅燒牛肉麵、草仔粿香韻奶茶等 |
| 亞參雞飯 | 海南雞飯、新加坡喇沙、檳城蝦麵等星馬菜 |
| 靠得住 | 粥麵專門店，心肝寶貝粥、鮮蝦雲吞麵等 |
| 錦麗 | 越南牛肉粉 |
| Tommy Yummy | 泰式輕食及甜品飲品 |
| 安金稻朝鮮拌飯 | 朝鮮族拌飯、石鍋大醬湯、炸雞等 |
| 瓊芳冰廳 | 精品港式茶餐廳，主打瓊芳黯然銷魂飯 |
| 興哥清湯腩 | 港式清湯腩，提供牛坑腩、崩沙腩等部位 |
| 一橋拉麵 | 親民日式拉麵，自家製麵條配豚骨湯 |
| 餃子鎮 | 每日人手即場製作餃子 |
| 滿山・台北 | 台灣菜，鮮蝦蚵仔鮮菇蓋飯、香滷牛三寶湯麵等 |
| TOKENYO 韓式烤肉料理 | 石鍋拌飯、部隊鍋、乾式熟成烤肉 |
| 多米泰小館 | 泰北清邁菜，如泰北咖喱雞腿金麵、南薑椰子大蜆湯 |
必食推介1｜敏華冰廳：黯然銷魂飯
想食港式Comfort Food，可以揀敏華冰廳。品牌以懷舊冰廳為定位，招牌菜包括敏華黯然銷魂飯、沙茶牛肉麵及荷蘭煉奶花生醬西多士，今次同樣加入10月1日全日堂食7折陣容。
必食推介2｜太興：燒鵝＋五星級燒肉
想食燒味就可以直接去太興，除了招牌冰鎮奶茶及五星級燒肉，亦有菠蘿咕嚕肉等港式菜式。燒鵝每日於分店現場燒製，品牌資料亦指只出售出爐2小時內的燒鵝。
必食推介3｜亞參雞飯：海南雞飯＋喇沙
想轉口味可以揀亞參雞飯，主打星馬菜式，包括亞參去骨海南雞飯、新加坡喇沙、檳城蝦麵及斑蘭咖央多士，一餐可以食齊多款東南亞人氣美食。
必食推介4｜興哥清湯腩：牛坑腩、崩沙腩都有
牛腩控亦有選擇！興哥清湯腩的湯底以多款材料秘製，每日於分店現場燜煮牛腩，更供應不同牛腩部位，包括牛味較濃的牛坑腩以及筋膜相連的崩沙腩。
必食推介5｜TOKENYO 韓式烤肉料理、多米泰小館都有7折
除了大家比較熟悉的港式品牌，今次優惠亦包括TOKENYO 韓式烤肉料理及多米泰小館。前者提供石鍋拌飯、部隊鍋及乾式熟成烤肉；後者則主打泰北清邁家庭風味，包括泰北咖喱雞腿金麵、南薑椰子大蜆湯及清邁檸檬明爐烏頭等。
太興集團國慶7折優惠詳情
日期：2026年10月1日
優惠：參與品牌全日堂食7折
參與品牌：太興、敏華冰廳、茶木、亞參雞飯、靠得住、錦麗、Tommy Yummy、安金稻朝鮮拌飯、瓊芳冰廳、興哥清湯腩、一橋拉麵、餃子鎮、滿山・台北、TOKENYO韓式烤肉料理、多米泰小館
優惠條款要留意
今次7折優惠只適用於香港分店，機場分店除外，而且只限堂食，外賣自取、燒味斬料及外送服務均不適用。另外，優惠不可與其他優惠、折扣及現金券同時使用，加一服務費亦會按原價計算。優惠當日亦暫停接受金豬美食禮券、港式美食現金券及電子美食現金券付款，商場現金券除外。
圖片來源：太興集團
