孩子你怎樣長大？｜林奕匡偕小學生探索蜜蜂 驚青縮沙 自爆童年慘痛經歷
廣告
要教識下一代保護地球同珍惜大自然生態，絕對是一門高深學問！ViuTV節目《孩子，你怎樣長大？》第14集，星爸林奕匡（Phil）就飛到韓國首爾，了解當地大財團推行的「城市養蜂」Plan B項目。
韓國財團推「城市養蜂」 收益助弱勢社群
原來韓國教育部與環保組織近年積極鼓勵小朋友接觸大自然，企業在市區天台養了足足20萬隻蜜蜂，每年出產的蜂蜜收益，還會用作支援智障人士的教育，非常有意義！不過，當一班10歲、11歲的韓國小學生著好保護衣，爭住舉手話要摸蜜蜂、大讚蜜蜂好溫順的時候，大男人Phil竟然嚇到縮沙，連連擺手話：「嘩！我真係唔敢摸上去啦！」
小學生爭住摸！林奕匡自爆童年「男人最痛」
原來Phil對蜜蜂有極深的童年陰影！他苦笑自爆這段「男人最痛」的經歷：「點解我咁驚？因為細個真係俾蜜蜂針過！三、四歲嗰陣喺湖邊準備去游水，點知有隻蜜蜂飛咗入條泳褲度！一落水隻蜜蜂驚，我又驚，結果就俾佢針咗喺啲『要害』位置！所以今日我都係比較小心啲。」
克服陰影 體會生物多樣性重要
雖然有童年慘痛陰影，但Phil看見班小朋友同蜜蜂玩得咁開心，亦有很深的體會。他明白到恐懼往往來自於不了解：「其實蜜蜂只要你唔搞佢，佢都唔搞你。呢類活動好有意義，等下一代知道維持生物多樣性有幾重要，如果植物、昆蟲同人類唔可以共存，睇怕我哋連食都無得食啊！」Phil今次韓國之旅，相信為他的新手爸爸之路上了寶貴的一課！
網民熱烈討論：聽到都覺得痛
Phil在節目中自爆童年陰影後，隨即引來大批網民爆笑討論。不少人直呼「針中要害真係睇見字都覺得痛」，又笑指韓國小學生的勇敢與大男人的驚青形成強烈對比，場面惹笑。更有抵死網民留言抽水，笑言「好彩而家都生咗個BB，證明『要害』無事」，紛紛送上恭喜。同時，亦有粉絲大讚Phil榮升爸爸後變得不一樣，言談間充滿父愛，十分期待他將來帶BB去接觸大自然。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：ViuTV
