藍朋友·旅朋友｜吳兆麟爆肌入贅瑤族！突高呼「唔續約TVB」娶新娘畫面震撼

吳兆麟即場騷肌力證Man Power 蜘蛛俠上身爬吊腳樓

在瑤族這個母系社會中，流傳著「邊個男人打唔到糍粑，即代表冇力，咁就娶唔到老婆」的說法。恨娶老婆的吳兆麟聽罷，立即拿起長木槌展示超強「Man Power」，邊用力捶打邊搞笑大叫：「老婆我嚟喇！」，決心表露無遺。其後在「爬吊腳樓」的入贅考驗中，自幼習武的他更盡展優勢，發揮驚人彈跳力、腹肌及臂力，如蜘蛛俠上身般一躍而上懸在半空的梯級，矯健身手成功擄獲瑤族女子歡心，並獲對方送上手鐲，成為瑤族快婿。

吳兆麟入贅成功即變臉？搞笑大叫：TVB我唔續約啦

成功通過體能考驗後，吳兆麟似乎對成為瑤族女婿相當投入，竟搞笑地向著鏡頭大叫：「TVB我唔續約啦~~」，嚇得眾人一額汗，幸好他隨後馬上補鑊，認真曳曳。除了體能，Alan還在節目中一展歌喉，高唱「吳式山歌」向美女示愛：「瑤族嘅美女好鬼靚，樣靚聲甜。香港 Alan 好喜歡你，畀個機會嚟到廣西娶老婆，呢度山青水秀我唔想返去。」歌詞相當直白又搞笑，令人好奇他唱出來的實際效果會是如何。

上演男女調亂版唐伯虎點秋香 吳兆麟直擊瑤族婚禮儀式

在選婿考驗過後，王祖藍與吳兆麟齊齊換上華麗的「盤瑤服飾」，上演一場男女角色調亂的「唐伯虎點秋香」，讓瑤族女子們挑選心儀對象。最終，體能出眾的Alan成功被選中，並即場與瑤族新娘舉行盛大婚禮。整個儀式相當講究，包括「拜十二拜」、「飲合卺茶」、「吃長桌宴」等環節，當中更有難度極高的「瑤式灌酒」，整個過程充滿特色與挑戰，場面熱鬧又有趣。

網民激讚吳兆麟身材好 期待爆笑婚禮場面

節目預告一出，網民反應熱烈，紛紛對吳兆麟的表現表示期待，更對他的健碩身材讚不絕口。不少留言都聚焦在他與瑤族新娘的互動上，認為場面必定非常爆笑。
「Alan身材真係冇得輸，睇到流口水！」

「講『唔續約』嗰下笑死，好玩得！」
「個山歌歌詞好kam，但又好想聽佢點唱，哈哈！」
「呢個體驗好特別，成個婚禮過程睇落好有趣。」
「祖藍喺隔離睇住佢入贅個樣一定好好笑！」