女神配對計劃 2｜閨密團大爆料！Amber擇偶條件嚇窒網民 俞可程被揭戀愛另一面？
閨密團成員大公開 俞可程家姐驚揭戀愛面貌
今集「閨密花生團」陣容強大，包括Roxanne的閨密游嘉欣、Mandy的閨密鄧依婷、Amber的閨密「高成彬」劉倬昕（Sam）、Juliana的閨密「東張小花」鄧凱文，以及Kanis的親家姐。當中Kanis家姐的爆料最為心痛，她直指Kanis是「容易受傷的女人」，更表示：「見到佢每次分手都好受傷害，所以今日特登嚟決心幫佢搵一個好男人」，同時驚揭妹妹的雙面模式：「佢對住男朋友同對住我哋完全唔同，兩個樣。」
「高成彬」Sam爽爆Amber海量擇偶條件
除了Kanis家姐，其餘閨密都化身爆料KOL，當中以Amber的閨密「高成彬」Sam最為爽快，她更搞笑地在節目中公開Amber的海量擇偶條件，條件清單長得驚人，Sam直接讀出：「佢鍾意高嘅、叻嘅、脾氣好、皮膚白、眼大、唔肥、斯文、怕醜，最緊要係天秤座！」如此精準又繁多的要求，似乎為想追求Amber的男士設下極高門檻。
游嘉欣論盡爆Roxanne鍾情大叔 郭珮文被Bob踢爆係食貨
至於游嘉欣（游游）則繼續發揮其招牌論盡本色，半搞笑半認真地指Roxanne鍾情「搵年紀大」，期間更口誤稱：「我覺得佢應該適合五歲以上」，嚇得主持阿Bob立即更正為「大五歲以上」。另一邊廂，Juliana（阿Ju）則被閨密鄧凱文及阿Bob聯手踢爆是個超級食貨，阿Bob的指證最為搞笑：「我哋拜完神好多燒肉，佢食咗半盒呀！佢真係好鍾意食嘢。」花生團更可以直接致電女神教路，為節目增添不少火花。
網民熱議女神擇偶觀 「Amber條件太離地！」
節目預告一出，網民已對閨密的爆料內容議論紛紛，尤其針對Amber的擇偶條件。有網民留言：「Amber個list長到咁，祝佢好運」、「天秤座係咩玩法？星座都計埋？」、「Kanis家姐講得好啱，好多女仔都係咁！」、「笑死，游游又天然呆」、「JuJu食半盒燒肉好可愛喎，真性情！」、「Roxanne鍾意大叔，有眼光！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
