消暑拉麵？台灣西瓜豆乳雞冷麵 原個西瓜做碗!每日限量10碗

你冇睇錯！真係直接將半個西瓜嘅超浮誇限定拉麵！位於台北嘅拉麵店推出限定「西瓜豆乳雞冷麵」，將雞湯同豆乳調和出柔和鹹鮮嘅冷湯，帶有淡淡西瓜清甜，配埋大里肌叉燒增添濃厚肉香！最特別嘅係會附上一杯西瓜汁，建議食到中段再倒入湯底，體驗風味由鹹鮮瞬間轉為清爽果香嘅驚喜層次！呢款冷麵將於9月8日至9月14日限時發售，而且每日限量10碗！最近去台北旅遊、想試奇特甜鹹風味嘅拉麵迷，記得早啲排隊啦！