【美食新推介】啟德雙子匯美食主題樂園隆重登場！10大獨家餐廳一覽 附上開幕優惠！

把繽紛田園帶到餐桌上｜Salad Corner

城市人生活節奏急促，想尋找可以食得健康啲嘅餐廳，Salad Corner就啱晒你！搜羅咗全球風味沙律，包括：酸辣開胃嘅泰式鮮蝦柚子沙律、充滿異國風情嘅墨西哥牛肉牛油果沙律，以及精緻嘅西西里茄子沙律，口感層次各有不同！同時，大家亦可以自由配搭煙三文魚、煙鴨胸或者八爪魚等配料，為你嘅健康lunch增添不一樣嘅滋味！

靈魂雞白湯｜白の拉麵 體現日本職人精神

渴望「返鄉下」嘅日本迷一定要試吓白の拉麵！品牌秉承極致嘅日本職人精神，嚴選日本直運湯底 ，以 30 斤嚴選雞骨慢火熬煮長達8小時，炮製出極致濃郁又順滑嘅靈魂雞白湯。除咗細心炮製嘅湯底外，仲有蜆肉叉燒醬油拉麵，鮮味滿滿；仲有海鮮控必試嘅牡蠣魚介豚骨拉麵，每一啖都係驚喜，直接一秒帶你去日本～

彈牙意粉之掛汁美學｜ Pasta Cucina CP值高西餐！

邊個話想食高品質意式料理就一定要捱貴價？Pasta Cucina以親民價格提供唔同款式嘅彈牙意粉！當中每一碟意粉都以「柔軟、彈牙、完美掛汁」為招牌，私心推介人氣爆燈嘅忌廉明太子煙肉意粉、濃蝦汁番茄忌廉大蝦意粉可以鎖住每一滴醬汁，仲有香氣四溢嘅燉澳洲牛面頰肉醬長通粉等，係時候試試啦！

下午茶輕食首選｜Soup Station + Burger Boy 為你迅速醫肚

話明係美食集合地，當然唔少得更多環球美食啦！想品嚐輕食嘅你，可以去Soup Station 品嚐每日新鮮烹煮嘅濃湯，包括：周打海鮮湯、匈牙利牛肉燉湯，以及野菌蘑菇湯，配上酥脆惹味嘅蒜蓉多士，超match！

想找尋最純粹嘅快樂，大大啖咬Burger Boy嘅美式漢堡就超滿足！Burger Boy 嚴選肉汁爆滿嘅安格斯牛肉及特製醬汁，提供 BBQ 煙肉安格斯牛堡、牛油果醬芝士牛堡等經典選擇；素食者都可以挑選柚子醬素菜漢堡，照顧唔同嘅飲食需要！

舌尖上的旅遊｜一嚐越南/日本地道滋味

將越南菜推到最高境界！Wagyu Viet嘅招牌越南生牛肉湯河，以大量美國牛骨同秘製香料作為湯底，配搭頂級和牛，肉汁鮮甜美味；仲有香茅豬扒撈檬，香口惹味，好想一次過試晒佢呀！

另外，亦有日式咖喱品牌 MOOS Curry以鮮甜蘋果、超過 20 種天然香料及黑豚高湯慢火熬煮 4 小時，炮製出層次豐富嘅香濃咖喱！

傳承港式風味｜大粥堂+鄭記麵館多元選擇

心絲絲想品嚐暖胃又熱辣辣嘅粥品？大粥堂精心為食客帶來溫熱綿滑嘅滋味，經典皮蛋瘦肉粥香滑順口，香菇滑雞粥則帶來惹味菌香及嫩滑口感，配上金黃油條與鹹香配菜！

另外，鄭記麵館堅持選擇香港老字號永樂粉麵廠麵底，麵質爽滑彈牙；招牌牛腩麵的牛腩以獨門秘方慢火煮腍，入口融化，記得點埋手工包製嘅傳統雲吞，鮮嫩多汁，重現兒時嘅昔日味道！

甜品Encore｜ARTE by Padaria 邪惡法式甜點

食完正餐當然要以甜品作結！ARTE by Padaria 以手製法式甜點為主，法式可頌夾心球結合鬆脆酥皮、濃郁餡料與綿密瑪德蓮，仲有9cm 巨型曲奇為大家帶來視覺及味覺嘅雙重衝擊，買埋返屋企同家人朋友開心share都得！

開幕優惠賞｜堂食享有75折+美食優惠券！

為慶祝美食主題樂園嘅盛大開幕，9月24至30日起間，堂食享有75折優惠連10個品牌嘅美食優惠券，留返之後再食過都得！

開啟你的美食隨意門！

以後去啟德唔使再煩諗去邊度食啦～快啲約埋朋友，一齊去體驗呢場美食魔法，一個地方就能夠品嚐晒咁多款滋味啦！

Foodhall by GG

地址：九龍啟德沐翠街 12 號雙子匯 2 期 12 樓 1205-1214 號舖

營業時間：星期一至日 11:00-21:30

（Presented by Foodhall by GG)