唱錢｜小肥挑戰Eason地獄歌嚇到想走！唱到青筋暴現反差太大震驚全場

十萬獎金得主Mani霸氣回歸 挑戰Monster歌神情自若

曾贏得十萬獎金的Mani，今次重返舞台顯得信心十足，更豪言：「我嚟幫其他參賽者贏錢。」她挑戰被列為「Monster」級別、極度刁鑽的歌曲《溝渠暢泳》，無論音域或節奏都極考功力。然而Mani全程神情自若，甚至以「哭腔式」演繹，即使在關鍵時刻被「DANGER」警號追殺，依然從容不迫，其穩健台風獲森美大讚：「我覺得你有歌星嘅味道。」

小肥未唱先驚自爆唔想嚟！挑戰《時代巨輪》窒息感爆燈

另一邊廂，小肥則要面對巨大心魔，賽前已緊張到說話走音，更坦言：「其實我唔想嚟。」他挑戰的「Monster」歌曲是陳奕迅的《時代巨輪》，此曲集結超低音及頻繁真假音轉換，被公認為「地獄級歌曲」。Eric Kwok亦表示：「呢隻Eason（陳奕迅）次次錄音唱完之後青筋現形，好似冇咗兩年命咁。」小肥演唱時全程緊盯螢幕，緊張到青筋暴現，窒息感穿透螢幕，令Eric Kwok都忍不住大喊：「頂住！」

網民激讚Mani實力派 小肥緊張樣勁心痛

兩位歌手的強烈對比引起網民熱烈討論，不少人對小肥的緊張感同身受。網民紛紛留言：「Mani真係屈機，不愧係十萬獎金得主，台風好穩！」、「小肥個樣真係好驚，隔住個mon都feel到佢嘅壓力。」、「Eric Kwok話連Eason唱完都冇兩年命，就知《時代巨輪》有幾恐怖！」、「一個輕鬆，一個緊張，呢個反差好有戲劇性！」、「撐小肥！肯面對心魔已經好叻仔！」