全港8大黑芝麻千層撻推介！Soft Thunder/CASABAKE/Doughman/享樂烘焙

相關文章：全港8大明太子法包

1.Soft Thunder Bakery

人氣烘焙店Soft Thunder Bakery 的千層脆片蛋撻及獨角酥備受本地客人及遊客熱捧，最近品牌新推出雙重黑芝麻千層脆片蛋撻（$18件），全部選用日本黑芝麻，經過烤烘再製成 100% 黑芝麻醬，千層脆皮加入竹炭，在撻殻倒入黑芝麻蛋漿焗至幼滑，再於面層唧上黑芝麻吉士醬，味道濃郁！

2. CASABAKE

人氣烘焙店CASABAKE的千層撻一直好受歡迎，上年中秋限定推出流心黑芝麻湯圓撻（$32件）大獲好評，期待今年會再度回歸！嚴選頂級黑芝麻，經過慢火烘焙與極細研磨，打造出如絲綢般順滑綿密的芝麻內餡，面層黑芝麻醬超級流心，外層酥皮十分酥脆，中間內餡仲有軟糯麻糬，黑芝麻味好濃郁，醇厚而不甘膩。

3.Doughman

荔枝角人氣麵包店Doughman 全新推出特濃黑芝麻烘焙系列，其中黑芝麻蛋撻（$16件）香脆酥皮中倒入絲滑黑芝麻蛋漿，外層酥脆帶有濃郁牛油香，黑芝麻特有的深邃微苦與自然甘甜平衡得恰到好處，不顯甜膩。

4.La Viña

人氣甜品店La Viña 早前推出一系列大獲好評的黑芝麻甜品，其中最受歡迎是黑芝麻麻糬吉士撻（$30件），吉士撻外層酥脆，入口有陣陣芝麻香味，中間仲有煙韌麻糬，層次好豐富！

5.享樂烘焙

享樂烘焙的酥皮撻一向出色，人氣款式有黑芝麻酥皮撻（$22件），頂層有多到幾乎滿瀉的芝麻醬，外層酥皮口感酥脆，內餡蛋漿香滑，雖然芝麻餡未至於爆哂餡，但芝麻味都幾濃郁，又不會太膩，甜度恰到好處。

6.Vission Bakery

位於中環蘇豪區的Vission Bakery被譽為「香港烘焙界的愛馬仕」，是由人氣品牌Cookie Vission創立的高質烘焙名店，出品的酥皮甜點深受本地及遊客歡迎，店外長期都大排長龍。其黑芝麻湯圓撻（$55件）都在小紅書有不少人分享好食，價錢比坊間的黑芝麻撻貴，但size亦大件一點。外層酥皮鬆脆有層次，咬開後湯圓皮軟糯帶麻糬黏糯感，內裡黑芝麻熔岩餡慢慢流出，黑芝麻味好濃郁！

7.Social Goods

中環最近爆紅的烘焙咖啡店「Social Goods」，由知名法式麵包店 Paul Lafayet 的共同創辦人 Christophe Younes 主理，主打法式麵包，其中以招牌雞蛋造型吉士酥皮包最為聞名，經常大排長龍！而店家亦有推出黑芝麻麻糬撻（$52/件），酥皮金黃鬆脆，以黑芝麻吉士達醬和麻糬為中心，上面覆蓋一層甘納許，帶來濃郁的芝麻香氣。

8.理想餅店

新蒲崗的人氣港式麵包店理想餅店，由前五星級酒店包點大廚主理。流心芝麻撻（$18/件）是近期的新品，外層酥脆，咬開爆漿流心，芝麻味濃厚，令人勁滿足！