魔音女團MYNT成軍3個月即奪獎｜成員爆喊：幸福來得太突然！

MYNT黑金銀戰衣登場 Ellyn透視長腿撼Hilary

在頒獎典禮當晚，MYNT 6位成員宋宛穎（Sabrina）、喬美莎（Chelsea）、倪樂琳（Ellyn）、倪嘉雯（Carmen）、盧映彤（Skylar）及莊子璇（Hilary）齊齊以「黑金銀」色調晚裝亮相，各有美態，瞬間成為全場焦點。當中以倪樂琳（Ellyn）大騷雪白長腿，對戰莊子璇（Hilary）的若隱若現透視長腿最為吸睛，而倪嘉雯（Carmen）則以一身勁裝大晒纖腰，展現完美身段，6人甫出場即秒殺不少菲林。

Carmen自爆收禁笑令 Chelsea奪新人獎難以置信

MYNT獲獎後接受訪問，對於成團短短3個月便獲得首個獎項，成員倪嘉雯（Carmen）笑言：「幸福來得太突然！」而同時榮獲「最耀眼電視新人」的喬美莎（Chelsea）亦坦言難以置信：「我入咗行好短時間，覺得（攞獎）好唔真實，好榮幸、好多謝大會畀我呢個機會。」隊長宋宛穎（Sabrina）則表示獲獎後更有動力：「信心唔敢講住，但動力一定有，令到我哋更加進步，將更好嘅舞台呈現畀觀眾。」提到新歌《Turn My Magic On》MV，Carmen自爆拍攝時壓力極大，因被導演下了「禁笑令」：「因為要對住鏡頭不停放電，我覺得自己最有自信係笑住放電，但導演就唔准我笑、落咗『禁笑令』畀我，所以好難。」

網民洗版式恭賀 期待MYNT更多舞台

MYNT極速奪獎的消息一出，網民紛紛湧入社交平台留言祝賀，反應熱烈。不少粉絲大讚她們的努力被看見：「恭喜MYNT！出道即攞獎好犀利！實至名歸！」亦有網民被她們的得獎戰衣驚艷：「個個都好靚，黑金造型好有氣勢！」、「Ellyn同Hilary對腳真係無得輸！」更有粉絲表示對她們的未來充滿期待：「好想快啲睇到新歌舞台！禁笑令好好笑，Carmen加油啊！」、「希望公司可以俾多啲資源佢哋，香港好耐冇咁齊人嘅女團！」