打邊爐放題推介｜牛品全新Menu創意爆燈+超高CP值！一餐食盡A5和牛＋新鮮龍蝦＋超驚喜麻辣西瓜！

海鮮控暴動！泡泡脆米龍蝦鍋配雙重海鮮盤

一滾起個湯底已經聞到超濃郁海鮮味！期間限定兼每日限量供應嘅泡泡脆米龍蝦鍋特別加入新鮮龍蝦肉，湯底極度鮮甜矜貴。食呢個鍋仲充滿儀式感，會有專人過嚟幫手將香口脆米倒入碗或者直接加入鍋底，跟住再淋上熱辣辣嘅濃湯，即刻發出「咋」一聲嘅誘人聲效，聽見都流晒口水！食火鍋當然唔少得配搭豐盛嘅蔬菜及海鮮，店舖超有誠意準備咗兩款海鮮盤，一款係用料極致奢華兼每枱限定一客嘅頂級海鮮盤，另一款就係可以無限追加嘅任食海鮮盤，雙管齊下瘋狂滿足海鮮控嘅無底胃口！

食肉獸回本攻略！狂歎A5和牛及罕有部位

想食到夠本就一定要狂攻牛肉！主打任食油花分佈極靚嘅日本內銷A5和牛，肉質粉嫩無比，入口即溶絕對係回本保證。店舖仲會不定時推出多款最新澳洲和牛罕有部位，包括澳洲和牛胸爽、澳洲和牛爽腩、澳洲和牛上腿肉、澳洲和牛前頸肉及澳洲和牛和尚頭，每個部位都有獨特嘅油香同咬口，層次極度豐富，牛魔王絕對會食到停唔到口！

打卡必備創意配搭！驚喜麻辣西瓜挑戰味蕾

全場最矚目嘅驚喜一定係麻辣西瓜！將清甜多汁嘅西瓜融入惹味麻辣元素，甜辣交織碰撞出超神奇嘅味覺體驗，創意爆燈！火鍋配料方面同樣精彩，超吸睛嘅五色餃子賣相極靚打卡一流，配埋一咬爆汁嘅香濃松露牛丸，味覺視覺雙重享受！打邊爐仲必加正宗台灣原味麵疙瘩關廟麵，煙韌有咬口索晒湯汁超有驚喜！熟食仲有地道正宗嘅蚵仔麵線，鮮甜蚵仔配上順滑麵線，神還原台灣夜市風味！

神還原台灣味道！歎盡鮮芋仙芋圓及地道手搖

食完熱辣辣嘅火鍋一定要歎番啲甜品飲品解膩！甜品陣容有伯爵茶奶凍、抹茶凍及黑白涼粉，仲有超受歡迎嘅鮮芋仙芋圓！飲品方面強推4款最新珍珠奶茶，包括「幽香夜語」、「靈根入道」、「熱帶覺醒」及「穀風梔影」，大家可以按喜好自己加黑糖珍珠及鮮芋仙迷你芋圓！

想飲果香重啲嘅可以揀「楊枝甘露」同「芒果椰椰」，另外仲有全新口味嘅「木瓜鮮奶冰沙」、「香蕉鮮奶冰沙」同「草莓鮮奶冰沙」！想享受微醺感覺？仲可以揀3種口味嘅Ashahisour果酒，冰涼透心超解渴！

呢個全新Menu陣容極度邪惡兼CP值爆燈，一次過食盡頂級和牛海鮮同台式手搖甜品，絕對係同親朋戚友一齊聚餐嘅好推介！仲等咩？快啲去擦餐勁啦！

（資料由客戶提供）