2026高質中菜推介｜帝京軒星級大廚主理6大極致手工粵菜 必食得獎「犇殿寶盒」！必食芝心啖啖肉蟹蓋＋無辣不歡麻辣水煮和牛＋超邪惡楓糖黑豚叉燒

搵食唔使愁！長輩慶祝定朋友飯局全部滿足！

帝京軒位於旺角，無論港九新界過嚟都極度方便，絕對係搞手福音！餐廳環境優雅氣派，帶父母長輩嚟食飯盡孝心保證滿意零中伏，就算同成班朋友聚會都適合。呢間餐廳仲更喺「新假期必吃食店大獎2026」奪得「必吃粵菜」殊榮添！

星級名廚主理！

呢度嘅菜式由入行超過30年嘅江肇祺師傅主理，絕對係信心保證。江師傅將傳統精緻手工粵菜升級重現，每一道菜都係心機之作，完美展現深厚功力。

必食得獎菜式＋芝心蟹蓋＋惹味水煮和牛

必試阿拉斯加蟹肉芝心蟹蓋！蟹蓋焗到金黃色極度誘人，一𢳂起即刻見到滿滿蟹肉配雞髀菇同煙肉，芝味濃郁啖啖鮮甜蟹香。

鍾意刺激嘅朋友就要轉戰砂鍋沸騰水煮M5和牛！砂鍋熱辣辣上枱出晒煙視覺效果震撼，M5和肉質軟腍，吸滿麻辣湯底精華，又麻又辣極度惹味。

當然唔少得2025香港國際美食大獎得獎菜式「犇殿寶盒」，一盒有齊虎掌牛肉豆腐盒及脆鍋巴牛米餅等三款精緻點心，口感層次豐富。

炒鮮奶最高境界＋神級黑豚叉燒＋忌廉汁虎蝦球

黑魚籽龍蝦炒3.6牛乳盞堪稱炒鮮奶嘅最高境界！大廚用上3.6牛乳炒出極致滑溜口感，配埋爽彈本地龍蝦肉同矜貴黑魚籽，加上金黃蟹黃令鮮味瞬間爆發。

另一道神級推介係楓糖鴛鴦黑豚叉燒，大火燒烤配麥芽糖同楓糖帶出微微焦脆，一碟歎齊黑豚脢頭及腩肉兩個部位，軟腍油香口感兼得。

最後推介中西合璧嘅胡椒忌廉汁珍寶虎蝦球，泰國青胡椒忌廉汁香濃而不漏，完美突顯虎蝦彈牙肉質。

睇完係咪即刻食指大動呢？快啲Save低呢篇文再Share畀親朋戚友，即刻訂位開餐啦！

📍 帝京軒
地址：九龍太子道西193號帝京酒店3樓
訂座電話：26226161

（資料由客戶提供）