消暑之選！星貓物語系列登陸星巴克 清爽冷萃咖啡/港澳限定焙茶

清爽醒神之選 必試全新草莓檸檬冷萃咖啡

想驅散夏日悶熱，首選一定係全新登場嘅草莓檸檬冷萃咖啡。呢杯特飲以輕盈嘅冷萃咖啡配上巴西莓基底同檸檬水，加上慢速萃取咖啡嘅醇香，口感非常輕盈。飲品仲特別加入凍乾草莓點綴，不但口感層次分明，視覺上都充滿色彩，絕對係炎夏醒神之選。鍾意濃厚口感嘅朋友，亦可以選擇經典嘅冷萃咖啡，經過純淨過濾水 20 小時慢速萃取，口感順滑圓潤；或者試吓凍鮮奶泡沫冷萃咖啡，面層鋪滿幼滑綿密嘅冷奶泡，咖啡體驗更加香滑。

茶控注意 驚喜綿雲椰子水與港澳限定焙茶

除咗咖啡，星巴克嘅夏日茶飲系列同樣有新驚喜！今次最大亮點係將清甜解渴嘅冰涼椰子水加入茶飲之中，推出全新醇香抹茶綿雲椰子水同日式焙茶綿雲椰子水。兩款都配上如綿雲般柔滑細膩嘅冷泡沫，入口輕盈微甜，特別適合熱辣辣嘅日子享用。

如果你鍾意茶香與咖啡交織嘅風味，就一定要試香港及澳門分店限定嘅特濃咖啡鮮奶日式焙茶。入口先感受到焙茶嘅溫潤柔和，隨後帶出星巴克經典特濃咖啡嘅濃郁香氣，完美融合淡雅堅果香與甘香。外賣一族仲有專屬選擇，於 foodpanda 及 Keeta 獨家供應嘅大杯裝醇滑焦糖榛子朱古力咖啡，將濃郁朱古力同香甜焦糖融入特濃咖啡，最啱同好友一同分享。

夏日繽紛商品上架 星貓與旅行系列注入活力

歎咖啡之餘，當然唔少得睇埋全新夏日商品系列。今個夏天星巴克推出咗多款主題周邊，當中最吸睛嘅有明亮活潑嘅「星貓物語」系列，可愛小貓造型幫你嘅日常時刻添上趣味；另外仲有八月全新推出、簡約實用嘅「Travel」系列，為你每趟旅程注入輕鬆自在嘅步調。仲有以水果同紅鶴為主題嘅「Taste Like Summer」以及粉色調嘅「Tropical Whimsy」系列，總有一款啱你心水。