Y2K之選！人氣U・SA・HA・NA最新系列登場 必搶立體蝴蝶結Tee/盲盒花花吊飾
夏日繽紛服裝單品 立體蝴蝶結Tee細節滿滿
想喺夏天着得搶眼又舒服，今次系列推出嘅三款共六色Tee就啱晒。第一款主打U・SA・HA・NA圖案趣味設計，有白色Tee配彩色印花，或者黑色波點Tee配黑白圖案。最特別嘅係Tee上面嘅蝴蝶結採用咗立體設計，細節滿分，極具收藏價值。第二款就走柔和色調路線，米黃色同淺藍色配上胸口精緻刺繡，衫身仲有白色星星圖案，單穿或者襯外套都一樣咁靚。至於第三款就以淺綠色同粉紫色夢幻配色登場，中央印有U・SA・HA・NA圖案並加入點點花花作點綴，散發活潑俏皮嘅田園氣息。
除咗Tee款，系列仲加推純色同格仔兩大類別襪款。純色款有淺黃、白、黑三色，低調加入U・SA・HA・NA字樣；格仔款就有淺藍、粉紅同淺黃色，充滿青春活力，襯波鞋定休閒鞋都一流，輕鬆提升時尚層次。
實用與可愛兼備 手袋及精緻周邊配件
出街點少得一個百搭手袋？今次推出嘅日系Tote Bag絕對係重點推介，袋身綴有立體蝴蝶結，仲特別配備可拆式荷葉邊肩帶，斜孭側孭都得，靈活配合不同穿搭。三款配色各有特色，包括復古休閒嘅牛仔布配紅色肩帶、清爽淺藍格仔配黃色肩帶，以及經典黑白波點配黑色肩帶。如果需要大容量，可以選擇牛仔布或者淺藍格仔大尺寸手袋，返工返學定出遊都咁實用。
鍾意輕便嘅朋友，四種繽紛顏色嘅迷你袋仔就最啱你，備有淺藍、粉紅、黑色波點同淺黃色選擇，袋身加入可愛星型扣，可以獨立裝小物或者掛喺大袋做裝飾。另外仲有神還原U・SA・HA・NA立體耳朵同手腳嘅造型卡套，以及附有專屬鐵牌嘅粉紅色同粉藍色夢幻髮圈，一物多用，輕鬆為日常穿搭增添甜美感。
粉絲必入 壓軸登場盲盒花花吊飾
講到全個系列最令人期待嘅，一定係壓軸登場嘅盲盒款吊飾！U・SA・HA・NA化身成四款可愛花朵造型，分別有粉紅色、漸變彩色、黑白波點同經典彩色設計。盲盒開箱充滿驚喜，大家可以盡情收集，掛喺手袋上打造專屬嘅繽紛組合，俾滿滿嘅可愛氛圍包圍成個夏天。
聯乘系列將於2026年8月25日喺指定CATALOG門市及網店正式推出。指定門市包括旺角朗豪坊、觀塘apm、沙田新城市廣場、屯門市廣場、屯門V City、大埔超級城、將軍澳PopCorn、葵芳新都會廣場以及澳門威尼斯人分店。各位粉絲記住mark低日子，把握機會親臨門市或者上網店選購，將咁可愛嘅U・SA・HA・NA帶返屋企啦！
