韓國爆紅「防曬 App」登上榜首炎夏必用!最佳遮陽路線/防曬指南

Aug 11 2026

今個夏天真係特別熱！唔單止係香港，就連日本韓國都有高溫警告，如果大家去旅行的話，要留意一下！南韓首爾大學一名學生就睇準大家「想行陰涼位」嘅防暑心態，開發咗一款名為「遮蔭路線：清涼散步」嘅導航 App。呢個 App 結合咗韓國國土交通部數據同開源地圖，精確計算出建築物高度、太陽角度同樹蔭陰影，即時為行人規劃出曬唔到太陽嘅「最佳遮陽路線」！

連搭車都可以防曬！當你搭巴士或者行地面路段嘅地鐵果陣，系統會分析日光角度，直接建議你「坐左邊靠窗，陰影覆蓋率 68%」。加上 App 仲整合埋路面斜度、人流擁擠度、樓梯位置同「避暑休憩所」資訊，推嬰兒車、老人家定係帶寵物散步都超實用。自上月推出以來已經幫過 50 萬次路徑指引，仲一舉衝上韓國 App Store 第一名。最正嘅係，而家香港地區都已經可以直接下載，仲支援繁體中文、英文、日文、法文、西班牙文同韓文等多國語言，非常貼心！