八達通「好賞里」企劃登場 嘟滿$100即賺$3回贈 教你3步輕鬆登記

全港逾千間鄰里好店參與 同行同賞帶動社區經濟

今次「八達通・好賞里」企劃係八達通支持本地鄰里商戶嘅最新活動。八達通零售業務及合作夥伴總經理黎家聰表示，期望透過全新「嘟嘟賞」獎賞平台同新八達通機，帶畀大家簡單直接嘅即時獎賞體驗，鼓勵更多市民走進社區消費，推動本地經濟。大家只要喺街坊小店見到帶有「八達通・好賞里」標誌嘅新八達通機屏幕畫面或相關宣傳品，就代表佢哋係參與商戶，無論餐飲、購物定買生活必需品，都可以輕鬆一嘟兼賺獎賞！

簡單3步登記 輕鬆賺取$3八達通增值額

想賺盡優惠，手續非常簡單！推廣期內，只要透過八達通App將八達通連結至「嘟嘟賞」獎賞平台並完成登記，名額合共10萬個，先到先得。成功登記後，喺指定「好賞里」商戶門市，以已連結嘅八達通於新八達通機單次消費滿$100，就可以賺到$3八達通增值額獎賞。推廣期內每位會員最多可獲3次回贈獎賞。
登記步驟：

1. 透過八達通App，將八達通連結至「嘟嘟賞」獎賞平台，於「嘟嘟賞」平台登記參加此「八達通‧好賞里」推廣活動
2. 於推廣期內，於門市帶有「八達通‧好賞里」標誌新八達通機屏幕畫面或相關宣傳品的指定「好賞里」商戶，以已連結的八達通單次消費滿$100
3. 即時獲取$3八達通增值額獎賞

自動發放或拍卡領取 隨時拎走現金回贈

賺咗獎賞點樣拎？如果你用緊手機八達通（包括iPhone、Apple Watch同Android版），$3回贈會喺每單合資格交易完成後7天內自動發放至手機八達通，無需自行拍卡領取，超級方便！
如果你用實體八達通、Smart Octopus in Samsung Pay或Huawei Pay八達通，獎賞同樣會喺合資格交易完成後7天內可供拍卡領取。你只需要喺領取日起30日內，打開八達通App首頁，於「快捷功能」點擊「全部功能」，喺「我的八達通」下方點選「領取獎賞/退款」，再點選「領取」，將八達通拍向流動裝置背面嘅NFC位置就搞掂。