火影忍者疾風傳系列服裝 限定還原曉組織外套與螺旋丸小袋

主角光環！鳴人、佐助與歷代火影服飾

鳴人款首推極搶眼嘅橙色風褸，加入漩渦一族紅色螺旋標誌，襯埋木葉忍者村款短褲，直接化身主角。另外仲有黑白兩色Tee，胸口位有Q版鳴人，更仔細咁補上將九尾封印喺鳴人體內嘅八卦封印刺繡，細節度滿分。佐助粉絲就可以揀印有寫輪眼同宇智波族徽嘅恤衫，或者集結寫輪眼標誌嘅全刺繡風褸外套，低調得嚟又有型。

歷代火影款式同樣充滿驚喜。四代目火影「波風湊」款恤衫同Tee印有招牌紅色火焰同木葉忍者村標誌；最搞鬼嘅係實體化咗第五代火影綱手標誌性嘅羽織外套，背脊有個超顯眼嘅黑色「賭」字貼布繡，幽默地象徵佢「傳說中嘅大肥羊」性格，玩味十足！

霸氣盡現！「曉」組織與九尾主題

講到《火影忍者》極具人氣嘅反派，點少得「曉」組織！今次系列完美復刻咗「曉」嘅經典紅雲標誌，推出標誌性斗篷風褸外套，保留寬鬆輪廓加強烈嘅黑底紅雲對比，著上身氣場全開。想低調啲嘅話，可以揀滿版印上白色雲朵圖騰同「曉」字樣嘅短袖恤衫，或者背脊劃上橫線叛忍護具標誌嘅Tee款，展現忍者斷絕村落聯繫嘅專屬印記。

潮著Mini Me！神還原親子裝

今次火影熱潮仲延伸到童裝，各位爸爸媽媽可以同小朋友一齊打造潮流滿分嘅 Mini Me 親子裝！童裝系列重點推出同大人款同調嘅「曉」紅雲外套、鳴人標誌性外套，以及四代目火影主題Tee。小朋友著上身瞬間變成得意忍者，周末去主題派對或者出街都絕對係全場焦點。

粉絲必儲！人氣周邊及滿額禮遇

除咗服裝，今次嘅周邊單品都超級吸睛！手袋方面有齊鳴人、四代目火影、宇智波一族同「曉」紅雲標誌嘅斜孭袋。匙扣小袋系列更還原多個經典微型造型，例如引爆符、鳴人最愛嘅「一樂拉麵」、經典青蛙造型零錢包，甚至卡卡西老師愛不釋手嘅《親熱天堂》書籍造型，全部都實用又過癮。仲有專為仙人模式設計嘅鳴人毛毯，收納袋特意設計成巨大捲軸，孭出街極具話題性。