【Sun Life永明請您免費搭天星小輪】7月31日與您同行暢遊維港 共創美好回憶！
講起香港人嘅集體回憶，又點少得天星小輪呢！無論係細細個同屋企人一齊吹住海風過海，定係大個咗同朋友、摯愛喺船上欣賞璀璨嘅維港夜景；天星小輪都盛載住大家無數嘅溫馨時刻同成長印記！想感受呢份獨特嘅情懷？Sun Life永明將於7月31日舉辦「天星小輪免費乘搭日」，約定大家一齊放慢腳步，再次欣賞我哋最熟悉嘅香港，享受一個難忘嘅回憶啦！
傳承百年守護精神 與香港同行逾130載
是次活動將以「與您同行」為主題，而天星小輪作為香港最具代表性嘅交通工具之一，由以前到而家都一直陪伴住唔少港人成長，亦正正象徵陪伴、連繫與前行。Sun Life永明自1892年扎根香港，陪伴市民作出不同重要財務決策，並與城市共同成長。隨著品牌即將踏入135周年，Sun Life永明迎來理財顧問團隊正式突破4,000人嘅里程碑，團隊規模與實力同步提升，致力成為大家值得信賴嘅理財夥伴。
7月31日免費搭天星小輪
為咗同全港市民一齊分享呢份喜悅，Sun Life永明將會喺2026年7月31日（星期五）舉辦「天星小輪免費乘搭日」，由朝到晚都可以免費乘搭來往尖沙咀同中環嘅天星小輪航線！
無論您係放工同朋友享受Happy Friday，或者想趁暑假帶小朋友周圍玩，都係時候把握機會搭天星小輪去chill吓啦！大家亦可以喺繁忙嘅都市生活中唞唞氣，沿途飽覽維多利亞港嘅迷人景致，一邊打卡留念，獲得放鬆身心兼享受城市慢活嘅好機會！
中環碼頭快閃驚喜 大派豐富禮品
驚喜一浪接一浪！Sun Life永明仲準備咗快閃驚喜俾各位！喺活動當日嘅下午1點至夜晚7點期間，喺中環碼頭連接大樓一樓（近中環7號碼頭）舉行快閃派禮活動！只需喺現場完成簡單嘅指定任務，就可以換領到精美禮品！禮品數量有限，先到先得；想攞到驚喜禮物就記得要mark實時間！
天星小輪免費乘搭日
日期：2026年7月31日（星期五）
時間：早上6時半至晚上11時半
航線：尖沙咀來往中環
快閃派禮活動^
日期：2026年7月31日（星期五）
地點：中環碼頭連接大樓一樓（近中環7號碼頭）
時間：下午1時至晚上7時
^完成指定任務即可換領禮品。數量有限，先到先得，送完即止
(Presented by Sun Life Hong Kong)
關鍵詞
香港好去處
圖片來源：Sun Life
