家傳之「保」2｜方力申預錄告白給18歲女兒 突哽咽爆喊場面感人

囡囡Isla抓周揀中一樣嘢 小方父子齊估錯

小方在節目中表示，送給父親最開心的禮物就是女兒Isla，因此特意安排到影樓拍攝「三代同堂」照，作為別具意義的父親節禮物。相中所見，未夠一歲的Isla眼仔睩睩，在地上四腳爬爬，表情多多，可愛度爆燈。其後，一家人為Isla舉行傳統的「抓周」儀式，地上放滿書本、畫筆、算盤、法槌、小方公仔、銅錢及樂器，預測她將來的志向。爺爺方毓仁猜測孫女會拿面積最大的算盤，小方則笑言：「我覺得佢行行吓會轉番個頭，走向老竇度。」結果兩父子都估錯，Isla最終選擇了銅錢！

小方預錄告白18年後女兒 突哽咽爆喊：「永遠等你」

有女萬事足的小方，應製作組要求預先錄下一段給18歲女兒Isla的說話。他一開口便搞笑地表示：「首先希望18歲嘅Isla唔需要我去應酬你嘅另一半，會嚇死老竇。」盡顯幽默又緊張女兒的慈父心。不過，當談及女兒長大後終有一天會「離家出走」時，小方卻忍不住情緒，突然眼泛淚光，更一度哽咽說不出話，最後感性地告白：「無論你去到幾遠都好，爸爸媽媽永遠喺屋企等你。」場面非常感人。

網民大讚慈父形象：「睇到眼濕濕」

節目片段播出後，不少網民被小方的真情流露所感動，紛紛留言大讚他是個好爸爸。有網民表示：「小方真係一個好爸爸，睇到佢講嘢眼濕濕！」、「Isla好得意啊！抓周揀銅錢，大個一定係老闆娘！」、「男人有咗個女真係會唔同晒，好感動。」、「呢段告白太催淚，天下父母心。」、「好真實嘅反應，完全感受到佢對個女嘅愛。」