啟德免費派雪糕暫停補貨 數名男女圍罵職員結局反轉

DREYER’S啟德快閃活動反應熱烈雪糕迅速清空

7月8日，雪糕品牌DREYER’S在啟德零售館舉行快閃推廣活動，市民只需即場追蹤品牌官方Instagram帳號，即可免費獲贈雪糕一份，吸引大批街坊排長龍。不過活動反應遠超預期，雪糕存貨極速見底，三位年輕前線職員禮貌地向排隊人士解釋，需要暫停派發讓同事到後倉補貨，並交代下午2時半會重新開始派發直至6時完結。然而現場數名男女完全不接受解釋，齊聲大喝「梗係唔得閒啦」，強調自己趕住返工無可能繼續等。女職員隨即提出折衷方案，建議對方先在Instagram發布限時動態，待補貨後可獲優先派發，惟女子即時反嗆：「我都未攞雪糕，Post咩Story啫？」態度極不友善。

影片曝光後網民群起力撐三位高EQ職員

事件影片在社交平台Threads及各大群組流傳後，大批網民替三位年輕職員抱不平，紛紛留言大讚佢哋態度專業有禮。有網民表示：「三位年青人好有禮貌，把聲都好好聽，希望DREYER’S公司留意到」，亦有人分享親身經歷指職員會主動協助長者操作手機完成追蹤步驟，形容佢哋「真係好好人」。更有網民直言現場只得一個雪糕櫃而非大型凍貨櫃，補貨需時屬正常安排，呼籲大家「唔好咁核突喺度鬧人哋啲員工」，一致認為三位職員EQ極高，值得嘉許。

網民鬧爆鼓譟男女貪小便宜仲要惡過人

相比職員獲得一面倒支持，涉事鼓譟男女則被網民鬧爆。有人直斥「又要貪小便宜又要嘈」、「排免費嘢都可以鬧人，咩世界？影衰香港人」，亦有網民質疑「究竟要cheap到咩地步，先可以明明係拎免費嘢都好似有俾錢咁大支嘢」。不少過來人感同身受，表示「做過服務業就知，成堆人攞免費嘢仲好似欠咗佢咁，攞唔到就發癲」，更有人一語道破：「派係免費，唔係欠咗你，未有就走囉，何必發難呢」。事件令不少網民慨嘆，十元八塊嘅雪糕都要為難前線員工，實在令人搖頭。