光雕藝術點亮夜空！滙豐保險攜手山頂纜車 帶你欣賞全港最高沉浸式立體光影盛宴

呢場全年上演嘅標誌性沉浸式光影體驗，將會以香港地標太平山頂凌霄閣外牆作為舞台。創意團隊花咗足足半年時間去規劃投影設計，將前衛的光雕藝術與城市文化元素完美融合，透過一幕幕的視聽盛宴，細緻呈現香港多元化又獨特嘅城市魅力。

無論係本地人定係旅客，都可以喺呢個全新體驗入面，重新認識香港。今個沉浸式光影體驗唔單止顛覆你對太平山頂嘅既定印象，更將屬於香港嘅動人故事，以最生動嘅方式呈現出嚟，展現呢座城市歷久彌新嘅繁華同活力。

滙豐保險作為連續4年香港市佔率第一嘅保險公司*，提供優質服務同產品，亦透過多元化活動推廣本地文化及藝術產業發展。隨著近年旅客嘅旅遊模式轉變，大家更追求具深度同體驗感嘅行程，今次項目正正充分展現出私營機構如何透過跨界攜手合作，為香港旅遊業注入嶄新動力！呢次合作亦係以實際行動支持政府推動「盛事之都」嘅願景，亦冀望能進一步提升香港對全球旅客嘅吸引力，吸納更多旅客、人才同客戶一再到訪，不斷探索香港嘅多元魅力。

乘搭擁有138年歷史山頂纜車出發！現代化數碼光影完美點亮百年地標

山頂纜車今年迎來第138年，由早期嘅代步工具，變成今日旅客必到嘅打卡體驗。今次滙豐保險同山頂纜車攜手合作，等大家可以由上車一刻開始，沉浸式體驗一段穿越時空嘅旅程。

你可以揀喺黃昏前搭纜車上山，一邊望住城市慢慢入夜，一邊期待上到山頂之後嘅光影表演。上到太平山頂，沿住山頂道行去山頂道花園，到達觀賞滙豐保險「滙映山頂」光影匯演嘅最佳位置。屆時凌霄閣外牆會變成一塊1,500平方米嘅巨型畫布，光線同色彩喺上面遊走，將呢座地標打造成一個充滿故事嘅舞台。

Stephen、Stitt 同 Peak仔出動 由霓虹街頭行到啟德體育園，再入大坑舞火龍

光影匯演好睇，唔可以只係靠特效，故事同角色一樣重要！光影匯演由滙豐總行門口大家熟悉嘅兩隻銅獅子Stephen、Stitt打頭陣，仲有山頂纜車專為今次跨界合作而設計嘅新角色「Peak仔」登場，三位角色化身星級城市導遊，喺凌霄閣外牆上帶住大家遊遍香港。

城市標誌性景點及文化遺產盡現眼前，讓大家穿梭於特色美食場景及康樂體育盛事之中。一幕幕充滿香港特色嘅場景盡在眼前，有閃爍霓虹招牌、港式茶餐廳、精緻點心盡收眼底，將呢啲香港獨有嘅城市風貌與生活細節，通通變成牆上嘅璀璨光影。

隨住節奏推進，滙豐獅子同Peak仔仲會現身啟德體育園，換上欖球裝備喺場中奔跑、傳球兼帥氣達陣。此外，滙豐獅子會以李小龍造型大顯身手，向香港經典武術電影致敬；另一邊廂，Peak仔則走入大坑，喺火光同線香煙霧之間，同大家一齊感受大坑舞火龍嘅震撼。

整個匯演最後以維港璀璨夜景加上煙花作結，凌霄閣外牆就好似變成一幅幅嘅香港縮影，有新有舊、有動有靜，將城市嘅故事一次過呈現出嚟。

攻頂解鎖凌霄閣428米觀景台打卡攻略！

除咗山頂道花園（凌霄閣外）上演嘅光影匯演，玩樂體驗仲會延伸到海拔428米高嘅凌霄閣觀景台，精心設置打卡熱點俾旅客同佢哋合照留念，打卡點集合霓虹燈牌、傳統點心、經典纜車等多款香港傳統元素，旅客可以同換上富有香港特色的限定造型Stephen、Stitt及Peak仔，連同標誌性霓虹燈一起合照留念，盡享獨家打卡體驗，萬勿錯過。觀景台上面更設9款特色展板，分別展示咗光影匯演嘅各個場景，最正嘅係旅客可以直接「置身」不同經典場景之中，同Stephen、Stitt與Peak仔一齊行入各個城市熱點，感受香港的活力。

滙豐保險「滙映山頂」光影匯演演出詳情

日期：2026年6月13日起
地點：山頂道花園（凌霄閣外）
時間：每晚7時半/ 8時半/ 9時半，每晚共三場演出，每節約10分鐘

*根據保險業監管局公佈的香港保險業臨時統計數字，滙豐保險在2022年至2025年（以個人人壽新造業務保費計算）佔市場第一。