巴士女除鞋腳趾攝入對面乘客座位罅隙｜事主崩潰但做一個決定惹公憤

長裙女揹名牌袋卻當眾除鞋伸腳過對面

從女事主在社交平台Threads上載的照片可見，她當時坐在巴士下層最後排座位，對面坐著一名穿長裙、側揹疑似Chanel手袋的女子。該女子在眾目睽睽下脫掉鞋子並翹起腳，將右腳腳趾直接踏向女事主座位邊沿位置，然後若無其事地低頭凝視手機. 更誇張的是，該女子其後進一步將腳趾攝入女事主與右方乘客座位之間的罅隙，令女事主感到極度崩潰，直言「我沒招了，呢個年頭咩人都有，我想尖叫」，但全程不敢當面出言指責。

事件曝光後網民群起鬧爆斥行為嘔心

事件曝光後，大批網民替事主不值之餘，亦對涉事女子行為表示極度反感。有人狠批「隔住mon都聞到臭味」，亦有人諷刺「裝身幾靚又點？格差冇得救」，更有網民紛紛獻計反擊方法，包括「踢佢隻鞋出去處理」、「有消毒噴霧對準佢對腳瘋狂噴」、「打個乞嗤落去話太臭鼻敏感」等。同一班巴士上另一名坐在涉事女子旁邊的女乘客亦有貼相公審，形容這是她在巴士上見過最嘔心的行為，並對自己當時未有即時發聲制止感到後悔。

網民反轟事主太好恰等同縱容嘔心行為

不過事件最大轉折，是大量網民將矛頭反轉指向女事主本人，質問她為何全程啞忍不出聲. 留言包括「咁都忍得，會唔會太好恰」、「咁都唔出聲！縱容咗佢嘅嘔心行為」、「躁底香港人會開聲X佢」，更有人建議應該大聲講到全車人都聽到，令對方尷尬收斂。有網民對比早前另一宗巴士大叔赤腳踩凳事件，當時有乘客即場開聲批評「好鬼污糟喎大佬」，大叔聞言即時放低腳穿回鞋子，證明出聲制止往往比事後公審更有效。女事主與目擊乘客事後均承認後悔沒有即時開口，但為時已晚。