城巴大叔車廂食雞腳被偷拍 落車後留低嘅嘢令網民鬧爆

大叔城巴上層開餐食雞腳被全程直擊

目擊乘客在社交平台Threads帳號 “smartuncle13” 發帖，指搭乘城巴時在上層撞見一名大叔打開外賣盒，旁若無人地在座位上大啖雞腳. 從帖主拍攝的片段可見，大叔進食期間將吐出的雞骨放在左手上，其間不時望向帖主方向，疑似察覺被人偷拍，隨即收起外賣盒放回座位。然而大叔下車後，帖主發現其原先坐的座位地面竟遺留雞骨殘渣，估計大叔吐骨後不知如何處置，索性直接扔落地面一走了之。無獨有偶，另一宗巴士車廂 “開餐” 事件亦於9月26日被人上傳至Threads帳號 “busmomenthk”，相中可見一對男女坐於巴士上層後排座位，男方手捧飯盒、女方以筷子夾起麥當勞薯條送入口中，兩人更將隨身背包及物品霸佔後排空位，帖主不滿指二人進食時發出明顯咀嚼聲如 “二重奏”，令全車乘客被迫陪聞食物氣味。

事件曝光後網民群起鬧爆斥行為缺德

事件曝光後，大批網民替其他乘客不值，一面倒狠批涉事乘客行為無品兼缺德。有網民怒斥：”成日喺巴士見到曱甴就係咁解”、”巴士咁X污糟邋遢，就係因為呢啲人囉”，亦有人直言：”食個麵包食得企理我絕對會諒解，但好似呢啲咁食，就係一個X人”。針對飯盒事件，網民同樣鬧爆：”簡直當自己屋企一樣”、”當架車係飯堂咩，全車人陪你一齊聞晒啲嘢食味”、”巴士上面有曱甴嗰陣大家知咩事啦”，認為車廂內進食不但影響其他人，更會滋生衛生問題。

部分網民反轟帖主事後先公審不如即時指正

不過，並非所有網民都認同帖主的做法。有留言反轟帖主只懂事後上網公審，卻不敢當面出聲制止：”你有無出聲話佢先，喺度偷影又怕對方X返你，跟住出post話X人，你呢種人又要威又要帶頭盔！” 亦有人建議 “影完相應該叫佢執返啲骨囉”，認為即時指正或通知車長處理，遠比事後放上網更有實際作用。事件目前仍停留在網絡輿論層面，未有涉及任何罰款或後續跟進行動，但接連發生的巴士車廂進食事件，再次引起公眾對公共交通工具衛生問題的關注。