新蒲崗搭的士畀$100找續三張藍色紙幣｜乘客落車後揭發中間嗰張

司機找續三張藍色紙幣暗藏玄機

事主於Threads發文講述事件經過，指自己於新蒲崗上車，到達目的地時車錶顯示39.5元，司機即開口話「40蚊算數」，事主當刻未有異議便遞上一張100元鈔票.按道理司機應找回60元，惟司機遞來三張藍色紙幣，事主接過後直接放入銀包，落車後整理時才赫然發現——夾在兩張20元港幣中間嘅，竟然係一張10元人民幣。事主怒斥司機刻意將人民幣藏在中間，擺明趁乘客一時不察從中取利，連同多收嘅5毫子車資，前後共蝕約9元。

事件曝光後網民群起鬧爆司機貪小便宜

事件曝光後，大批網民替事主不值，有「數口精」網民即場計算匯率，指出事主實際損失約9元，直斥司機「幾蚊都呃」。有人提醒其他乘客落車時務必即場點清找續，亦有人感嘆「搭個的士都要提防被搵笨」。更有網民指出，39.5元收40元已屬濫收車資，找續再混入人民幣更加離譜，建議事主報警處理.另有網民安慰事主「你輸少少都仲係收人仔，整張唔知邊度嘅紙幣就真係冇仇報」，提醒大家亦要小心假鈔。

士同業都睇唔過眼怒批害群之馬

令人意外嘅係，連的士業內行家都忍唔住開火，直斥該司機行為令整個行業蒙羞，質問「搞好啲錢找畀客咁難咩？」，更揚言若親眼見到呢類司機，會坐喺佢車上一個鐘先走，等佢做唔到生意。根據香港法例，的士司機濫收車費首次定罪最高可處罰款1萬元及監禁6個月，而司機必須隨時攜帶不少於10元面額鈔票或2元或以上面額硬幣達90元，1元或以下面額硬幣達10元，任何人無合理辯解而違反第45（2）條，即屬犯罪，一經定罪，可罰款5,000元及監禁6個月。事主最終表示心灰意冷，決定以後不再於街頭截搭的士。