IKEA全新黃竹坑期間限定店 獨家挑戰夾公仔贏限量猩猩鎖匙扣
廣告
放假想去行街買家品兼食好嘢？IKEA最近有新搞作，首度進駐港島南區，於黃竹坑THE SOUTHSIDE開設期間限定店！除咗有一系列人氣家品同瑞典美食之外，IKEA仲派出超人氣「猩猩同事」坐鎮夾公仔機，等大家嚟挑戰。即刻睇下有咩必玩必買亮點同會員獨家優惠啦！
猩猩同事出沒注意 挑戰夾公仔贏限量版鎖匙扣
IKEA由即日起分兩階段喺4間期間限定店推出yuu會員限定夾公仔機活動。只要喺推廣期內，於指定期間限定店消費滿港幣148元，出示當日消費收據正本（最多可合併2張）同yuu ID，就可以換領夾公仔機代幣2枚。每枚代幣可以玩1次，有機會夾走換上IKEA同事制服嘅限量版「IKEA猩猩同事鎖匙扣」，造型小巧玲瓏又搞笑過癮，彷彿隨時準備上班當值，掛喺袋上面實行引人會心微笑，數量有限，夾完即止！
第一期活動由即日起至6月17日喺馬鞍山新港城中心及屯門市廣場期間限定店同步登場；而第二期就會喺6月23日至29日移師到上水中心及黃竹坑THE SOUTHSIDE期間限定店繼續舉行。各位粉絲記得mark實日子去試試身手。
港島南區新據點 掃盡家居好物與瑞典美食
住港島南區嘅街坊有福啦！IKEA由即日起至9月30日，一連4個月以期間限定店形式登陸黃竹坑THE SOUTHSIDE 1樓中庭。新店匯聚咗多款熱賣傢俬同家飾產品，涵蓋浴室、廚房、睡房等各個生活場景嘅實用好物，當然唔少得大小朋友都鍾意嘅經典毛公仔同收納系列，幫家居增添北歐格調。
行到肚餓仲可以買埋瑞典美食返屋企慢慢歎！店內同步供應多款人氣食品，包括經典瑞典肉丸、挪威三文魚柳、多款口味急凍雞胸肉、原味希臘乳酪、咖啡同精選零食，輕輕鬆鬆就可以喺屋企準備一頓豐盛嘅北歐風味料理。
yuu會員獨家著數 黃竹坑期間限定店全場95折
去掃貨點可以錯過著數優惠！由6月18日至7月1日期間，所有yuu會員喺黃竹坑期間限定店付款時出示yuu ID，就可以專享全場95折優惠。優惠涵蓋即場提取貨品以及瑞典美食廊正價食品，想幫屋企換新裝或者入貨買零食就最抵。
今個周末一於約埋屋企人朋友，去IKEA期間限定店掃貨兼挑戰夾公仔啦！想了解更多心儀傢俬及家飾用品，可以即刻上IKEA網站慢慢揀，發掘更多家居靈感。
圖片來源：官方圖片
