【暑假親子Show】國際綜藝合家歡2026+精彩音樂劇體驗！仲可以參加有趣工作坊
節目太豐富，眼花撩亂唔知揀邊個好？即刻睇睇下面嘅推介啦！
小小音樂家之破冰奇遇——勇氣與音樂的冒險旅程
由韓國格蘭迪劇團帶來的音樂劇場《小小音樂家之破冰奇遇》，曾於2018年愛丁堡藝穗節獲選為最受歡迎三大兒童節目之一！故事講述喺太陽消失後，地球瞬間陷入冰冷及漆黑，主角Mobichi手握住心愛嘅牧童笛，與北極熊好友Kuku結伴一齊開啟尋找太陽嘅旅程！當中佢哋用歌聲、樂器迎難而上，解決種種困難，將化成「雪條」嘅人類解凍，令世界重現生機！成個表演都充滿活力，歡樂氛圍滿佈！
《小小音樂家之破冰奇遇》
日期及時間：8月7日至8月8日 7:30pm、8月9日 3pm
地點：香港大會堂劇院
*節目全場約1小時，不設中場休息
英語演出，中英文字幕
啤啤熊童話音樂會——用音符說故事的暖心體驗
英國小甘筍製作帶來嘅《啤啤熊童話音樂會》，利用現場音樂帶你走入童話世界！演出將會分為兩大部分：上半場關於《金髮姑娘和三隻熊》嘅故事，捕捉女孩鬼鬼祟祟行路嘅聲音、寶寶熊張凳碎裂嘅聲音，以及三隻熊返屋企嘅腳步聲；下半場會播放獲獎繪本《森林裡的鋼琴師》改編嘅動畫，配合現場音樂演奏，營造出豐富嘅視聽體驗！小朋友仲可以同音樂家互動，完全投入演出當中！
《啤啤熊童話音樂會》
日期及時間：
8月14日 7:30pm
8月15日 11am^、3pm^、7:30pm
8月16日：11am、3pm
地點：上環文娛中心劇院
^「自在劇場」場次，燈光同音響會調節至柔和水平，場內規則會放寬，觀眾可以發出聲音及自由進出。
除咗演出，《啤啤熊童話音樂會》仲有2大親子工作坊，為大家帶來更深刻的藝術體驗！「親子音樂律動工作坊」適合3至5歲嘅小朋友同家長，透過遊戲、跳舞同律動，更了解表演入面嘅原創音樂。另一個「親子音樂及故事創作工作坊」就適合6歲或以上兒童同家長，可以用敲擊樂器即興創作屬於自己嘅音樂故事，投入度十足！
「親子音樂律動工作坊」
日期及時間：8月12日、8月13日 11am – 12nn
地點：上環文娛中心七樓排練廳
「親子音樂及故事創作工作坊」
日期及時間：8月12日、8月13日 3pm – 4pm
地點：上環文娛中心七樓排練廳
探索更多獨特表演！
除咗以上推介嘅兩大演出之外，其實今年嘅「國際綜藝合家歡」都仲有好多唔同類型嘅表演及工作坊等大家參與㗎！快啲了解更多，為小朋友物色一下呢個暑假嘅好去處啦～
按此查看詳情
(Presented by LCSD)
