麗晶花園聘30內地保安｜主席爆內幕呻本地薑巴閉過你？網民激辯：質素仲差
麗晶花園主席彭家駒剖白 揭屋苑保安真空驚人內幕
HOY TV節目《一線搜查》近日就事件訪問麗晶花園業主立案法團主席彭家駒，他揭露了屋苑保安人手極度短缺的驚人現實。他指出，擁有22座的大型屋苑，按理每更需要92名保安，但現時竟然只有3名全職保安，其餘一半靠長期兼職支撐，剩下的空缺只能依賴昂貴的「散工」臨時填補。彭家駒憶述：「我哋應該係2025年7月24日，管理處向我哋法團報告指外圍保安員長期人手不足，想嘗試引入外勞，嗰時應該差唔多八至九成都係兼職。」人手不足問題已嚴重影響屋苑運作，他憂心忡忡地表示：「有時夜晚外圍要有13個人，但連埋替更只有6、7個人…我哋最怕發生突發事件，譬如我哋屋苑停電、爆水喉…（人手唔夠）我哋委員就要落去，甚至乎我哋委員或者義工要喺控制室幫手聽電話。」情況之嚴峻，可見一斑。
業主主席大呻本地散工 怒轟「巴閉過你 睬你都傻」
為何寧願引入外勞，也不願加薪聘請本地人？另一名不願具名的大型屋苑法團主席向《一線搜查》大吐苦水，直指問題核心在於本地散工的質素與態度。他怒轟：「嗰啲請返嚟嘅人，真係每晚坐喺度，好差好差，你叫佢唔好瞓覺、唔好玩手機，佢睬你都傻。」他續指這些散工「巴閉過你」，態度極差：「你唔畀佢瞓覺，唔做囉，第二日唔見人；你唔畀佢玩手機，第二日又唔見人，鬧返你轉頭都得嘅。」更甚的是，連舉手之勞亦不願做。這種現象令管理成本大增，麗晶花園的全職保安月薪約16,000至17,000元，但臨時散工經中介公司聘請，每更費用高達950元，月薪可達24,000元以上，比全職高出近五成，但服務質素卻不成正比，令法團極為頭痛。
工會揭保安行業兩大死因 反建議8小時三更制吸新人
保安行業「有工無人做」的困境，香港物業管理及保安職工總會理事姚漢勤認為，問題癥結在於工時過長與工作性質沉悶。他指出，現時很多屋苑仍採用12小時一更、每周工作6天的制度，與社會主流的5天工作周背道而馳，難以吸引年輕人入行。此外，他更點出一個殘酷的結構性問題：「另外按最低工資計算，12小時乘26日，薪金已經超過公屋單人入息審查限額。對基層嚟講，做全職長工反而會失去公屋資格，呢個係一個很大嘅門檻。」工會認為，保安工作除了出入登記的繁忙時間外，其餘時間「過份的沉悶」也是勸退年輕人的主因。工會建議業界應考慮改革，推行8小時三更制及5天工作周，才能從根本上解決問題，吸引本地人投身全職工作。
網民反應兩極激辯 議員林振昇憂外勞蠶食本地飯碗
事件在網上引起激烈討論，網民意見兩極。有支持的網民表示理解：「終於有人肯做嘢，有啲屋苑保安真係淨係識坐同玩電話，換下人都好」、「價錢高咗但質素差咗，抵請外勞啦！」但亦有大量網民表示反對，擔心影響本地就業：「人工咁低工時咁長，根本就係想逼走本地人」、「治標唔治本，點解唔改善待遇先？」、「遲啲各行各業都係咁，香港人等失業」。立法會議員林振昇亦表達憂慮，他擔心在經濟不景時，保安行業是本地中高齡失業人士的重要出路，若大量崗位被外勞取代，將令本地人求職更困難。他建議政府應嚴格審批，設立比例上限。勞工處回覆《一線搜查》查詢時透露，截至今年3月，本港已輸入近2,200名外勞保安員，而截至4月共收到近16,000宗申請，當中約6,000名獲批，反映輸入外勞保安已成趨勢。
