【由候機到搭飛機都係享受】大韓航空候機休息室全面煥新！直擊仁川機場休息室環境+美食！

了解大韓航空背後運作！4大必認識的核心部門

係咪好想探究航空公司嘅運作呢？其實航空公司內嘅每一個部門都好重要，密不可分，為守護旅客擁有舒適又安全嘅體驗而努力。今次有幸喺大韓航空嘅帶領下逐一參觀，一齊親身睇睇韓國航空公司嘅幕後工作啦！

營運控制中心（Operation & Customer Center）：

24HR實時監控航班狀態，針對不同飛行時有機會遇到嘅情況（例：氣象、亂流及突發情況等）進行策略調整，確保飛行安全及位置

飛機維修機庫（Hangar）：

為不同類型嘅航機進行定期檢查、引擎維修、機體翻修等工程，確保飛機保持良好狀態

航空餐飲中心（Catering Centre）：

為旅客準備機上餐飲嘅地方！遵循嚴格嘅衛生標準下完成包裝等工作，就連唔同顏色嘅擺盤或擺位都好講究㗎！

喺參觀完餐飲中心之後，仲特別獲邀品嚐First Class嘅餐點，平時都會提供西式、韓式及素食3大類型俾貴賓選擇。而且成個餐點有齊前菜、主菜、甜品及一杯酒，今次就選擇咗品嚐頭等嘅韓式料理，好似頂級韓式宮廷盛宴咁，超有儀式感！一開始就先享用香濃嘅魚子醬及精緻前菜，跟住就品嚐主菜，品嚐到肉丸、魚餅同鮮蔬嘅精華，入口清甜暖胃；配埋韓國必備嘅惹味泡菜、香脆麻油紫菜等，層次分明。最後再品嚐埋熱辣辣又滋補嘅熱湯，配上粒粒飽滿嘅白飯，完美平衡！估唔到能夠喺飛機上都品嚐到咁地道又豐富嘅韓式美食，超滿足！

機組人員訓練中心（Cabin Crew Training Centre）：

成為機組人員必經嘅階段之一！提供超逼真實體訓練、機艙門操作、逃生訓練等，令每位機組人員都可以喺遇到突發情況時，作出適當嘅應對。其中特別設有飛機逃生門演習，模擬飛機於海中心緊急降落後需要帶領乘客緊急逃生嘅真實情景。

另外，喺今年5月13日，大韓航空與韓亞航空董事會已通過合併協議，並於5月14日正式簽署合約。大韓航空將於2026年12月17日正式轉型為合併後嘅國家航空公司，為歷時5年嘅整合劃上完滿嘅句號，亦為未來發展開啟新篇章！

一場嚟到當然唔少得參觀埋大韓航空喺機場設有嘅休息室啦！原來單單喺仁川機場就總共有7個lounge，分佈喺機場唔同嘅位置，各有風格，等旅客都可以享受一個寧靜而舒適嘅候機環境！

Miler Club｜猶如酒店自助餐般多元化的美食

原來連喺機場都可以歎到自助餐啦！設有Live Station自助餐區域，提供韓食、西餐、沙律bar、甜品區、咖啡區域等，可以食盡環球美食，品嚐各式各樣嘅餐點。難得去到韓國，私心推介一定要食紫菜飯捲、辣炒年糕等經典韓食料理；仲有最出名嘅刀削麵、餃子等，全部味道都好地道又惹味，由廚師即席炮製新鮮熱辣辣嘅美食，上機已經成功滿足咗個胃了～

食飽之後，大家仲可以選擇去辦公區域、按摩椅區、淋浴區等稍作休息，而且仲可以享用獨立空間，私隱度極高！搭夜晚凌晨機及長途機嘅朋友就可以去喇～

Prestige West Lounge｜仁川機場最大休息室

想享受屬於自己嘅me time或者寧靜咁休息？Prestige West Lounge擁有超過420個座位，主要以金色、黑色、象牙白簡約顏色為主，配搭木材及石材嘅自然質感，和暖嘅warm tone令大家一走入去就已經覺得好舒服，可以超放鬆咁好好休息！

餐飲方面都level up！由仁川君悅酒店星級主廚團隊主理，提供現場烹飪及豐富自助餐任大家選擇！包括：韓式及西式佳餚、精緻包點、新鮮沙拉、季節甜點、傳統藥果及手工雪糕、酒吧區等美食。

食飽之後仲可以喺度做陣嘢！設有Work Station及Tech Zone，可以滿足出trip旅客們嘅需要；同時都有按摩椅、淋浴間等基本設備。

Prestige East (Left) Lounge｜娛樂互動設施多 最適合一家大細旅客

與別不同又娛樂度滿Fun嘅設施，特別適合帶埋小朋友入去嘅休息室～當中特別推介嘅就係好似成面牆咁高嘅「拉麵圖書館」，超吸睛！牆上有大量唔同韓國品牌嘅即食麵，挑選完啱心水嘅即食麵，就可以喺隔離嘅煮拉麵機器上面自己煮麵！完成之後，仲可以自行添加配料，包括：泡菜、白蘿蔔等，連埋拉麵一齊享用，特別滿足！

就算早咗到機場，都唔怕悶！烹飪工作室 L’atelier 偶爾會提供唔同嘅小課程，俾大家即場預約參加，包括：朱古力DIY體驗，好適合必小朋友落手落腳參與。另外，仲設有遊戲區，集齊各式各樣嘅遊戲及自拍機器，消磨時間一流！

Prestige Garden East Lounge｜西式戶外田園Style

能夠直接透過超大嘅玻璃窗，望到外面嘅景色及樹木，望到出面嘅陽光更chill更自在！無論係一家大細或者同朋友一齊去都好適合～

頭等艙休息室｜私隱度極高！享受屬於自己的空間

由開放式大廳及11間獨立包廂所組成，設計靈感來源於韓國傳統美學，融合木質柱樑、苧麻等天然元素，一入去就感受到高貴典雅嘅感覺，令人感到特別relax～喺機場都能夠擁有咁私密嘅休息空間，感覺真係好似返到屋企咁自在，完全體現到大韓航空「賓至如歸」嘅設計理念！

而且牆上亦由世界知名藝術家Anish Kapoor及多位韓國人氣藝術家嘅作品，直接將休息室打造成一個小小嘅藝術空間！

餐飲方面，提供客製化「à la carte點菜式」服務，大部分都係以傳統食譜為基礎，強調用自然嘅烹調手法，凸顯出食材最原本嘅味道！

歎美食緊係要chill飲返杯啦！現場提供葡萄酒、威士忌及精釀啤酒，就連餐具都好有儀式感，選用Chirstofle、Bernardaud等知名品牌嘅高品質餐具，配合返現場嘅豪華感覺，超match！

設施方面夠多元化！設有健康休息區、按摩椅及化妝區，上機前都可以徹底放鬆身心！而且淋浴間配備高品質盥洗用品同專屬拖鞋，搭長途機之前沖個靚涼，即刻舒服晒～

窺探大韓航空機艙環境｜高空中都可以享受舒適飛行體驗

當然要體驗埋「空中旅程」啦！去齊商務機艙及經濟機艙逐個睇！一坐落去就覺得超舒服，最正係個超大電視螢幕配埋高品質耳機！入面有各式各樣嘅電影同劇集可以揀，一戴上耳機，真係有種置身喺私人影院嘅沉浸式享受！而且座位仲提供收納空間，將大家嘅隨身小物、相機、電話都可以放得妥妥當當，非常貼心！

講到搭飛機，其中一樣大家最期待嘅一定係飛機餐！大韓航空已經連續第三年攞到《Global Traveler》雜誌高端讀者票選嘅「最佳航空公司機上菜單」大獎，備受認可！今次佢哋仲特別邀請咗首爾人氣餐廳 Cesta 嘅主廚 Seakyeong Kim 合作，推出獨家menu，用當季最正嘅時令食材配合創新煮法，等大家喺幾萬呎高空都可以歎到 Fine Dining 級數嘅頂級美食！

喺今趟飛行旅程當中，就選擇咗最多人揀嘅「辣醬炒雞」作為主食，肉汁彈牙飽滿，味道甜甜辣辣，十分開胃；配上沙律前菜及水果，超滿足！

如果預算夠、想再歎啲？頭等艙嘅新 Menu 絕對啱你心事！除咗有賣相精緻嘅餐前小點同開胃菜，仲有一系列全新主菜同甜品。當然唔少得必食嘅招牌韓式拌飯，配埋由專業侍酒師精選嘅葡萄酒，感覺超正！最誇張嘅係，連餐具都貫徹奢華風格，用 Bernardaud 瓷器、Christofle 餐具同 Riedel 酒杯等人氣經典品牌，極致嘅細節感，將儀式感拉到最滿！

全球網絡持續擴展中！

大韓航空一直以來都對服務質素有要求！喺剛出爐嘅 2026 年 APEX 最佳獎項評選入面，佢哋就奪得「最佳客艙服務獎」！而且過往亦曾多次獲得全球認可嘅國際大獎，備受認可！

除咗韓國之外，大韓航空嘅貴賓室升級計劃已經去到其他國家！洛杉磯國際機場 (LAX)現已完成翻新計畫，而紐約甘迺迪機場 (JFK) 亦即將列入翻新計劃之中。等大家就算身處外地，都可以一條龍享受到最頂級嘅貴賓級待遇！

(Presented by Korean Air)