殯儀館請前台月薪3萬中三即可入場｜一項特殊要求令網民嘩然

中三學歷月薪最高3萬但要打風落雨照返工

根據招聘內容，該前台接待員主要負責接聽電話預約、處理客戶查詢、電腦資料輸入、現金收款點算，以及到銀行處理支票及現金等日常事務。入職門檻僅需中三程度，操良好粵語、略懂普通話及英語，加上基本電腦文書處理能力即可。職位每周工作6天，需輪班工作，時間為朝九晚六或朝十晚七。然而最令人注目的條件是，黑色暴雨警告及八號烈風或暴風信號生效期間，員工必須如常上班，等同放棄打工仔最期待的「打風假」。

網民群起熱議有人話窮過見鬼乜都肯做

招聘廣告曝光後，大批網民對薪酬待遇議論紛紛，不少人直言人工吸引。有網民豪氣留言「鬼都好驚冇錢好過」、「怕窮鬼，其他鬼老子都不怕」，更有人自嘲「我失業都會去做，反正冇咩驚得過做死窮鬼」，將經濟壓力與迷信恐懼作對比。亦有住附近的網民笑稱「我住正對面，5分鐘即到，黑雨返工冇難度」，甚至有人表示「唔好同我爭，冇飯食啦我」，反映不少打工仔在搵食壓力下，對厭惡性行業的忌諱早已拋諸腦後。

返足6日加打風無車搭成最大爭議點

然而並非所有人都被月薪吸引，有網民直斥「返足6日」令工作吸引力大打折扣，亦有人質疑八號風球期間交通癱瘓，「無車喎，的士呀？到時起價300幾，有冇得claim先？」認為打風返工的交通成本根本無法自行承擔。更有網民調侃若要凌晨兩三點接聽電話，「3萬底薪都未必夠」，暗示殯儀館工作隨時要面對非辦公時間的突發需求。一份看似簡單的文職工作，背後的代價是否值得，似乎見仁見智。