「25秒改變一生！」美軍爆破訓練驚遇9呎高「半人半猿」 退役兵揭恐怖真相：牠們一直監視人類

美軍中士憶述震撼25秒荒野驚見3隻9呎高神秘生物

事件主角係退役美軍中士Todd Neiss，佢向傳媒怒訴，事發喺1993年，當時佢正隨隊喺俄勒岡州嘅荒野進行高爆炸藥訓練。突然之間，佢同另外兩名戰友發現遠處有三個巨大身影！Neiss形容當時嚇到個心離一離，嗰三隻生物全身披滿厚毛，身高足足有7至9呎，手臂同腳都異常修長。最令佢心寒嘅係，佢哋塊面竟然帶有人類輪廓！雖然整個過程只有短短25秒，但Neiss直言：「嗰25秒改變咗我成個人生！」佢由一個從不信鬼神之說嘅軍人，世界觀被徹底粉碎。

事件曝光網民洗版熱議專家質疑2026年點會一張相都無

事件曝光後，大批網民替事主嘅經歷感到震驚，群組即時洗版！加上近日俄亥俄州都有居民聲稱聽到怪異慘叫聲同發現巨大腳印，令「大腳怪話題再次炒熱。不過，科學界就大潑冷水，有專家質疑，喺智能手機同無人機咁普及嘅2026年，如果「大腳怪」真係存在，點會連一張清晰嘅相、一條DNA、甚至一副骸骨都搵唔到？呢種「隱身能力」未免太過強勁，質疑事主可能只係出現幻覺。

由戰鬥兵變身大腳怪獵人事主警告牠們智商極高正暗中觀察

面對外界排山倒海嘅質疑，Neiss依然堅持自己所見絕對係事實。為咗證明「大腳怪」並非虛構，佢退役後更喺2015年成立「美國靈長類動物保護協會」，致力搜集證據，希望保護呢啲神秘生物。佢反駁專家嘅質疑，認為大腳怪並非普通野獸，而係擁有極高智商，懂得完美避開人類偵測嘅生物。佢更語出驚人咁警告：「你哋唔明，牠們其實一直都喺暗處觀察緊我哋。」呢番言論，真係聽到都毛管戙！