晚吹｜KOL港女自揭靈異愛情經歷 仲大方爆整容血淚史 升級前樣貌曝光
Kathy上《怨女俱樂部》大爆靈異愛情經歷
Kathy喺節目中透露，自己曾經有一個覺得係真命天子嘅對象，但兩個人一直都一齊唔到。最離奇嘅係，每次佢哋嘗試走近，就會有靈異事件發生，好似有「嘢」跟住佢咁。Kathy感覺到嗰個Ex好喜歡自己，所以就要搞佢，令佢哋永遠都無辦法開花結果。當主持問到有咩想同Ex講嘅時候，Kathy更加忍唔住流淚。主持都忍唔住話「你係咪上錯咗節目」，因為呢度係《怨女》唔係《總有一瓣》，淨係可以幫佢發洩怨氣，幫唔到佢驅邪！
前度中東離奇消失被七人圍毆
Kathy憶述同前度喺中東嘅經歷，某日早上醒來發現對方連人帶車消失咗，對方姐姐打嚟問人喺邊都搵唔到。點知去到屋企對方又突然出現，仲將Kathy推到牆上叫佢走。前度聲稱自己半夜出去買嘢飲時被七個人圍毆，但竟然打贏咗先返嚟，全身確實有傷同污漬。呢種離奇事件只係開始，之後兩人喺酒店房間同家人聊天時，在場五個人竟然同一時間突然感到心寒、驚恐，全部人即刻起身走人，事後前度姐姐拍片畀師傅睇，師傅話房入面有三隻鬼。
前度入院昏迷師傅揭前世女鬼作祟
最驚嘅係，前度後來突然同Kathy斷絕聯絡，Kathy單機等咗足足三年先收到回覆。見面後先知前度同佢分手後不久，就喺街上暈倒兩次，第二次更昏迷不醒，喺醫院床上不斷抽搐反白眼，醫生都查唔出原因。前度姐姐瘋狂搵師傅，好多個都話「你弟弟今天死期已到」，最後搵到一個師傅救返佢條命。師傅揭露原來有一個前世女鬼一直跟住前度，因為感覺到前度好鍾意Kathy，所以不斷騷擾搞破壞，連之前嘅暴躁性情都係受鬼影響。
師傅警告結婚即死Kathy忍痛放手
師傅更警告，如果當初Kathy同前度結咗婚，前度已經會死，正正因為未結婚先有一線生機。Kathy聽完之後本來仲想試吓復合，但每次見面前度又會出現靈異狀況——喺街上無故跌倒話有鬼、眼睛附近即刻變黑、情緒突然失控。最後一次見面，前度更直接同Kathy講「他來了，他要來了」，令Kathy真切感受到對方有生命危險。最終Kathy決定唔再見面，「因為我真的不想他死，無謂勉強」，含淚選擇放生對方，同時都係放生自己。
Kathy對鏡頭講出心底話忍唔住落淚
當主持問Kathy如果前度有睇呢集，想同佢講咩嘅時候，Kathy忍唔住流淚。佢話覺得兩人經歷嘅事好似拍緊劇，可能講出嚟大家會覺得太戲劇化，但只有佢哋兩個清楚知道呢啲事係真實發生過。Kathy哽咽表示：「我覺得我跟你的經歷真的太深刻了，中間有很多低潮也是你陪我過，這些事情是不能再來一次的。」佢更將自己比喻做前度已過世嘅貓，話雖然唔喺身邊，但會用另一個方式陪住對方，場面令人動容。
Kathy自揭整容血淚史 整容前樣貌曾曝光
Kathy作為KOL經常在社交平台分享性感照片，外表亮麗的她其實曾經整容，整容前的樣貌亦曾經在網上曝光。Kathy對於自己整過容的事實從不避諱，近日更在社交平台拍片以自己塊面做「教材」，大方公開自己做過的所有醫美項目，包括頸紋針、瘦面針、超聲刀、埋線雙眼皮以及埋線隆鼻，坦白程度令網民大感意外。
醫美保鮮期殘酷真相 頸紋針一星期打回原形
Kathy逐一拆解各項醫美的「保鮮期」，首先提到頸紋針，佢表示打完之後頸紋滑到好似雞蛋一樣光滑，但僅僅一個星期，頸紋就「沿路回歸」，好似從來都冇離開過。至於瘦面針，Kathy指如果唔補打，半年之後原先的腮骨就會「重新登入」，V面效果完全消失。超聲刀同樣如此，打一次就想永久變V面女神根本係「想多了」，所有項目都需要持續課金先會有效果。
Kathy鼻子埋線兩次 形容係「一場災難片」
最令Kathy崩潰的是鼻子埋線手術，佢形容簡直係「一場災難片」。Kathy透露自己已經做過兩次埋線隆鼻，第一次做完僅僅3個月就已經「消了一半」，於是再做第二次。點知第二次做完兩個月，鼻樑又開始縮水，目前已經「消了兩成」，佢估計再過多半年鼻子又要重新處理。Kathy最後總結，整容面可以維持幾耐，除了睇醫生手勢，最重要係睇你的荷包同埋忍痛能力。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
