迪士尼Rap神投震撼彈！服務3282日突宣布「唔做」 千字文自爆紅後最大憂慮

驚揭服務3282日原來只係臨時工

Hinson在千字文中深情回顧，自2017年DSE畢業後便投身港鐵，至今已近9年，服務時數長達3282天，足跡遍佈12條鐵路線、55個車站！他自爆當初是受日本鐵路文化薰陶，對站務員工作有份憧憬，即使每日要天未光由東九龍出發到羅湖站返工，亦甘之如飴。對於外界認為車站助理工作沉悶，他卻認為「分別就在於你想做『到』份工還是做『好』份工」，堅持為平淡工作注入溫度。最令人驚訝的是，服務多年的他，原來一直只是「臨時員工身份」，令不少人大感意外。

網民洗版式感謝力撐祝前程錦繡

事件曝光後，大批網民替事主不值，同時亦紛紛湧入其社交平台洗版式留言！Hinson在文中提到，當初在迪士尼站創作Rap，全因觀察到公式廣播對海量旅客根本不起作用，才決心「諗辦法令到呢班人聽我講嘢」。他坦言，爆紅當刻第一感覺並非開心，而是「大鑊」，擔心會為同事及公司帶來麻煩。網民對其敬業樂業的精神大為感動，紛紛留言力撐：「多謝帶畀香港人嘅另類歡樂，祝你未來會愈嚟愈好！」、「欣賞你的堅持 and 投入」、「希望你係轉正升職啦！」。

去向成謎留伏線感激公司正面處理

對於爆紅事件，Hinson特別感謝迪士尼站的同事及公司的正面處理，容許他進行適度創作服務乘客，讓他能繼續為大家帶來歡樂。至於大家最關心的未來去向，Hinson就大賣關子，未有交代是轉為長工、升職還是另有發展，保持一貫的神秘感。他形容車站助理是「最畢生難忘的工作」，並溫馨提醒大家，即使他已離任，日後到訪迪士尼站時，仍要記得「未到樂園㗎，出咗閘先吖！」，為他的「車站職人」故事劃上一個溫馨的句號。