巴士奇景！5乘客「神同步」揀走廊位 惹港男公審反遭洗版式圍剿

港男搭巴士睇唔過眼 怒轟5名乘客自私霸佔走廊位

事源有港男在Facebook群組「交通關注組🇭🇰」發文，上載一張在巴士下層拍攝的相片。相中可見，連續5排的雙人座位上，5名乘客竟然「神同步」，齊齊選擇坐在靠近走廊的座位，將裡面的窗口位全部留空。事主睇唔過眼，語帶嘲諷地怒呻：「可能坐入去唔收錢，佢哋先會坐」，暗指這班乘客的行為極度自私，故意製造難度，令後來上車的乘客「知難而退」，不敢開口要求坐入去，從而達到一人獨霸兩個位的目的。帖文一出，隨即被病毒式瘋傳。

事件曝光網民群起公審 斥自私精博人唔好意思開口

事件曝光後，大批網民替事主不值，紛紛留言力撐，鬧爆相中乘客是「自私精」！有網民表示對這種行為深有同感，「佢哋就係博你驚唔好意思，索性搵其他位坐」，更有人分享慘痛經歷，指最討厭的是當你鼓起勇氣開口「唔該借借」，對方不但會「西口西面」，甚至「用隻死人眼睥X你」，態度極之惡劣. 更有網民激動表示，曾遇過有乘客直接拒絕讓其坐入，行為相當「黐線」，認為這種自私行為應該被譴責。

風向急轉！大批網民反插樓主道德X上身 揭坐走廊位3大苦衷

正當以為事主取得民意勝利之際，風向竟然180度大逆轉！絕大部分網民反而將矛頭直指事主，鬧爆他「道德X上身」，直斥：「呢啲位幾時又變咗公審座？」、「人哋又無霸兩個位」、「上車先點解唔可以揀自己想坐嘅位？」。更有不少「苦主」現身說法，解釋揀坐走廊位其實有苦衷，例如「就快落車唔想影響人」、「我腳長，坐入面好頂腳」，甚至有人表示曾被坐窗口位的人逼到貼實玻璃，從此留下陰影。網民總結，巴士座位是公共資源，先到先得，只要沒有霸佔兩個位，選擇坐哪裡純屬個人自由，若事主想坐，大可以主動開口，而不是拍照公審，製造對立。