377呎公屋索價258萬！地產代理標榜「全新靚裝」 網民睇片後嚇親：似停屍間？

直擊377呎奇則！白色格仔磚配不鏽鋼盆被嘲似殮房

從該名地產代理發布的影片可見，這個索價258萬的377呎公屋單位，聲稱距離市區地鐵站僅3分鐘路程。單位內籠看似新簇，全屋鋪上木紋地板，並附送洗衣機、乾衣機及雪櫃。然而，最令人錯愕的是其裝修設計，一進門的半開放式廚房竟鋪滿白色格仔瓷磚，配上冰冷的銀色不鏽鋼洗手盆，氣氛詭異。更甚的是，洗手間喉管外露得相當礙眼，全屋亦未有間隔睡房，僅靠一個大型木櫃分隔空間，私隱度成疑。加上窗外是「樓望樓」景觀，整體感覺極度壓迫。

網民群起洗版公審！怒插地產代理：對靚裝修有咩誤會？

事件曝光後，帖文立即被瘋傳至各大社交平台，大批網民替未來買家不值，更群起洗版公審！不少網民狠批單位的裝修風格極度恐怖，紛紛留言嘲諷：「呢間屋嘅風格係咪叫法證先風」、「驗屍風？」」、「而家連法醫都可以Work from home」、「我無綠表白表，不過有『出師表』」。更有網民矛頭直指地產代理，怒插其「擘大眼講大話」：「係咪對靚裝修有咩誤會？」」、「簡約公屋都靚過你」、「啲taste搞唔X掂！」

買家硬食裝修費？網民計數：慘過買新居屋要全爆再整

除了品味災難，網民亦從現實角度分析，直指單位完全不值258萬。有人指出，如此奇葩的裝修，新買家根本無法直接入住，「買返嚟要全爆，慘過買新居屋」，變相要再硬食一筆昂貴的裝修費。亦有留言批評單位間隔極不實用，「377呎其實唔係細，點解整到個感覺咁逼夾」、「肥少少都入唔到廚房」。綜合網民意見，普遍認為無論是價錢還是裝修，都令這個「靚裝」盤的吸引力大打折扣，絕對是「世紀級伏盤」。