粉絲等咗N年！《進擊的巨人》作者諫山創驚喜出手 畫中「呢個細節」令全球網民集體高潮！

諫山創親繪星戰新作致敬插畫曼達洛人空中飛躍激似兵長

為咗宣傳將於2026年5月22日上映嘅電影《星際大戰：曼達洛人與古古》，日本官方今次就打出王牌，搵嚟神級漫畫家諫山創出手！喺官方發佈嘅插畫入面，可以見到主角曼達洛人一手抱實「萌神」古古，另一手用鋼索飛躍半空迎戰敵人，畫面充滿張力！最令粉絲驚喜嘅，就係曼達洛人飛躍嘅動作同姿態，根本就係神還原《進擊的巨人》入面調查兵團用「立體機動裝置」飛馳嘅模樣，充滿諫山創獨有嘅暴力美學同躍動感，唔少網民都話好似見到兵長著住套甲喺度「獻出心臟」，簡直係夢幻聯動！

事件曝光後網民洗版大讚神級聯動多位殿堂級漫畫家齊齊表白星戰

呢張神級插畫一曝光，即時喺各大社交平台被瘋狂洗版！大批網民替呢個夢幻組合感到興奮，留言鬧爆「官方太識玩」、「一張圖結合咗我兩個最愛嘅世界」、「呢個畫面型到核爆」！除咗諫山創之外，官方今次仲請嚟多位殿堂級漫畫家分享對《星戰》嘅熱愛，陣容勁到嚇親人！當中包括《第一神拳》作者森川讓次、《化物語》作畫大暮維人、《東京卍復仇者》作者和久井健同《炎炎消防隊》作者大久保篤，幾位大師級人馬排隊向星戰「表白」，足以證明星戰喺動漫界嘅超然地位，亦成功為電影造勢！

作者自爆星戰觀影順序超奇特古古太可愛令佢忍唔住出手

對於今次合作，諫山創本人亦分享咗佢同《星際大戰》嘅奇妙緣份。佢自爆當年喺美國寄宿家庭時，第一次接觸星戰，而且係用”6→5→4″呢個奇特順序去睇！佢仲話星戰世界嗰種”冰冷太空船中帶有霉味同灰塵嘅生命感”令佢覺得非常真實。不過講到最重要嘅原因，諫山創就一秒變粉絲，坦言：”最重要嘅係——古古真的太可愛了！”睇嚟就連《巨人》作者都難敵古古嘅魅力，先會忍唔住出手畫呢張世紀插畫。各位星戰迷同巨人迷，記得mark實2026年5月22日，準備入場見證呢部睽維多年重返大銀幕嘅星戰鉅獻喇！