男友每日堅持同女同事搭車收工！港女呻一句竟被寸「諗多咗」網民4字回應

港女怒揭男友每日溫馨接送情簡直當正印冇到

事主在討論區發文怒訴，指男友 company 有一位女同事，兩人每日收工都會一齊搭車。久而久之，這已變成一個雷打不動的習慣，每日臨近收工時間，男友就會主動問女同事「要唔要一齊走？」，有時對方亦會主動詢問。事主大呻，最離譜的是，即使男友需要加班，女同事竟會「陪伴」他一齊OT；如果男友可以提早收工，女同事更會開口要求男友「等多陣」，總之兩人無論如何都「一定會一齊去搭捷運」，親密程度令人咋舌，完全將正印女友當成透明！

網民睇唔過眼群起圍剿渣男行為直指遲早出事

事件曝光後，大批網民替事主不值，紛紛留言鬧爆該名男友不懂避嫌，直指其行為極度「詭異」。網民一面倒認為，普通同事絕不會做到這種程度，「特地約還等對方真的是沒在避嫌」、「信唔信分手後，佢哋馬上直接一齊」。更有網民一針見血地指出：「你係備胎，定係女同事係備胎？總之一定有一個係！」群組瞬間洗版，大家都認為這種關係早已超出正常社交距離，出事只是時間問題。

男友一句話徹底激嬲事主網民勸快逃︰綠帽戴硬

面對這種每日上演的「溫馨」場面，事主坦言覺得「咁樣唔太好」，並向男友反映。沒想到男友聽罷，非但沒有反省，反而輕描淡寫地拋下一句「係你諗多咗」，徹底激怒事主。她表示自己從未與男同事有過如此親密的相處，因此對男友的標準感到十分困惑。對此，網民紛紛勸事主及早醒覺，「綠帽戴硬」、「快啲走啦，呢啲男人唔要都罷」，認為男友不單止行為不當，更試圖情緒操控，絕對是分手警號！