恐怖！日日著「霉菌衫」上身懵然不知？專家揭洗衣機藏菌真相：比馬桶污糟530倍！

Apr 20 2026

回南天殺到，全屋濕氣重到就快滴水，最慘係啲衫洗極都仲有陣「罨味」！你以為係天氣唔好晾唔乾？少年你太年輕了！原來你日日著上身嘅，可能係一件「霉菌戰衣」！有專家驚爆，長期無清潔嘅洗衣機，含菌量竟然比廁所馬桶污糟足足530倍，長期接觸更可能引發濕疹，最恐怖係有機會搞到腦退化！不想再與惡菌同眠，就要即刻睇落去學識點樣幫洗衣機「大掃除」！

驚揭洗衣機含菌量竟比馬桶高530倍

最近天氣濕度長期高達95%，唔少港人大呻屋企啲衫洗完成陣罨味，其實呢個正正係洗衣機向你發出嘅「求救警號」！好多人以為洗衣機識得「自我清潔」，但實情係機內嘅橡膠圈、洗劑槽長期處於超過90%濕度嘅環境，加上殘留嘅洗衣液同人體皮屑，簡直係霉菌嘅五星級酒店！有美國微生物學者研究就發現，竟然有六成洗衣機帶有大腸桿菌群，當中更有個案驗出，一部只係3年無洗過嘅洗衣機，細菌量竟然比馬桶高出530倍，數字相當嚇人！

專家警告長期接觸霉菌恐引發濕疹腦退化

洗衣機污糟過馬桶嘅消息曝光後，隨即引發網民恐慌式洗版！唔少人留言話「怪唔之得成日身痕」、「原來臭味來源係部機」。事實上，專家早已警告，長期著住呢啲充滿霉菌嘅衫，皮膚直接接觸惡菌，好容易會引發濕疹或其他皮膚敏感問題。更令人心寒嘅係，有指吸入或接觸過多霉菌，長遠更有可能損害神經系統，增加患上腦退化嘅風險，絕對唔可以睇少！為咗自己同屋企人嘅健康著想，定期深層清潔洗衣機實在係刻不容緩。